نړۍ

د فرانسې ولسمشر امانویل مکرون او د بریتانیا صدراعظم کی‌یر استارمر واشنګټن ته روان دي، ترڅو د امریکا له ولسمشر ډونالډ ټرمپ سره د اوکراین د کړکېچ او سولې په اړه خبرې وکړي.

نن، د یکشنبې ورځ، د فبرورۍ ۲۳مه  چې د کب ۵مې سره سمون لري، په آلمان کې پارلماني ټاکنې ترسره کیږي. په دې ټاکنو کې شاوخوا ۵۹ میلیونه وګړي رایه ورکولو ته بلل شوي، تر څو خپل مطلوب ګوند او استازي وټاکي. له دې ډلې ۲.۳ میلیونه ځوانان د لومړي ځل لپاره د رایې ورکولو حق ترلاسه کوي.

برلین، د آلمان پلازمینه، نن جمعه د فبروري ۲۱مه نېټه د یو برید شاهد وو. د المان رسنیو راپور ورکړی چې شاوخوا ۶ بجې، یو هسپانوي سیلاني د چړو په برید کې سخت ټپی شوی دی.

یوه ایرانۍ شاهد-۱۳۶ انتحاري ډرون الوتکه چې د اوکرایني ځواکونو له خوا د روسیې پر ضد جګړه کې نسکور شوې، امریکا ته لېږدول شوې او ټاکل شوې چې په واشنګټن کې د محافظه‌کارانو کنفرانس (CPAC) کې نندارې ته وړاندې شي.

تر هغه وروسته چې د امریکا ولسمشر، ډونالډ ټرمپ، د اوکراین د ولسمشر ولودیمیر زلنسکي مشروعیت تر پوښتنې لاندې راوست، د آلمان او بریتانیا مشرانو د اوکراین له ولسمشر څخه په کلکه خپل ملاتړ اعلان کړل.

د امریکا متحده ایالاتو او روسیې لوړپوړو چارواکو نن، د سه‌شنبې په ورځ د سلواغې۳۰مه، د سعودي عربستان په پلازمینه ریاض کې سره ولیدل، ترڅو په دوه اړخیزو اړیکو او د اوکراین د جګړې د پای ته رسولو لارې چارې و ارزوي.

د آلمان صدراعظم اولاف شولز د دوشنبې په ورځ وویل چې اروپا باید د خپلواکۍ او یووالي پر لور حرکت وکړي. دغه څرګندونې په پاریس کې د اروپايي مشرانو تر بېړنۍ غونډې مخکې مطرح شوې دي.

د اوکراین ولسمشر، ولادیمیر زلنسکی، د متحده عربي اماراتو له رئیس محمد بن زاید آل نهیان سره په ابو ظبي کې ولیدل. هغه د خپل سفر په اړه وویل چې د اوکرایني اسیرانو بیرته راوستلو موضوع له مهمو بحثونو څخه وه او د اماراتو د منځګړیتوب له لارې یې ډېر اسیران ازاد شوي دي.

د اوکراین ولسمشر ولادیمیر زلنسکي د لومړي ځل لپاره د خپل هېواد د وسلوالو ځواکونو د تلفاتو رسمي شمېره اعلان کړه. د هغه په وینا، له هغه راهیسې چې روسیې پر اوکراین یرغل کړی، ۴۳ زره اوکرایني سرتیري وژل شوي او ۳۷۰ زره نور ټپیان شوي دي.

د سوریې د پړځېدلي ولسمشر بشار اسد مېرمنه، اسماء اسد، له اوږدې چوپتیا وروسته په «ایکس» کې یو پیغام خپور کړی، چې پکې په غیرمستقیم ډول د خپل مېړه له ځینو پریکړو سره خپل اختلاف څرګند کړی.