نړۍ

د آلمان د بهرنیو چارو وزیره، آنالنا بئربوک، نن سه‌شنبه په یو نه‌اعلان شوي سفر کې د اوکراین پلازمینې کی‌یف ته ورسیده. الماني رسنیو ویلي چې دا سفر له اوکراین څخه د آلمان د ملاتړ د دوام په هدف ترسره شوی دی.

د کرملین ویاند، دیمیتري پسکوف، په خپلو تازه څرګندونو کې وویل چې مسکو او واشنګټن د خپلو وروستیو مذاکراتو پایلې په ریاض کې ترلاسه کړي دي او اوس د دې راپورونو شننه کوي. پسکوف د سه شنبې په ورځ، د وري ۵ مه نېټه، خبریالانو ته وویل چې تر اوسه پورې د روسیې او امریکا د ولسمشرانو ترمنځ د خبرو لپاره هیڅ بله نېټه په پام کې نه ده نېول شوې.

د استانبول د ښاروال اکرم امام‌اوغلو تر نیول کېدو وروسته، په ترکیه کې پراخ اعتراضونه پیل شوي دي. وروستي راپورونه ښيي چې مظاهره‌چیانو په استانبول کې د امنیتي ځواکونو څو کرښې ماتې کړي او د دولتي ادارو پر لور خوځېدلي دي. پولیس د لاریونوالو د کنټرول لپاره له اوښکې بهوونکي ګاز او د اوبو شيندونکو ماشینونو څخه کار اخلي، خو لا هم د ناآرامیو لمنه پراخیږي.

د سپینې ماڼۍ ویاندې کارولین لیویت وايي چې د اسراییل حکومت پر غزې له خپلو بریدونو مخکې د امریکا له ولسمشر ډونالډ ټرمپ سره مشوره کړې وه. لیویت په یوه مرکې کې «فاکس نیوز» سره په خبروکې وویل: «اسراییلیانو د غزې پر وړاندې خپل بریدونو په اړه له سپینې ماڼۍ سره مشوره کړې وه.»

امریکايي رسنیو راپور ورکړی چې د امریکا د متحده ایالاتو د ولسمشر، دونالد ټرمپ، له امر وروسته، د یمن پر حوثي جنګیالیو برید شوی او  په پایله کې ۳۱ جنګیالي وژل شوي دي.

د روسیې ولسمشر ولادیمیر پوتین اعلان وکړ چې هېواد یې چمتو دی له اوکراین سره لنډمهاله اوربند ته غاړه کښېږدي، خو ټینګار یې وکړ چې دغه هوکړه باید د روسیې د شرایطو په پام کې نیولو سره وشي.

د ولادیمیر پوتین مرستیال یوري اوشاکوف، ویلي چې مسکو د اوکراین په جګړه کې د هر ډول موقتي اوربند مخالف دی. نوموړي ټينګار کړی چې د روسیې اصلي هدف د دې جګړې لپاره یو سوله‌ایز او اوږدمهاله حل لاره موندل دي، خو د ۳۰ ورځو لپاره موقتي اوربند یوازې د اوکراین ځواکونو ته د بیا تنظیم او راټولېدو فرصت برابروي.

د اسرائیلي رسنیو د راپورونو له مخې، د اسرائیل مرکچیان د حماس له ډلې سره د دویم پړاو مذاکراتو د پیل لپاره د قطر پلازمېنې دوحې ته رسېدلي دي. له بلې خوا، د امریکا د بهرنیو چارو وزارت ځانګړی استازی، استیو ویتکاف، هم له سیمه‌ییزو منځګړو سره یوځای شوی، څو د اسرائیل او حماس ترمنځ د اختلافاتو کمولو ته لار هواره کړي.

دمشق – د سوریې ولسمشر احمد الشرع د پخواني رژیم پاتې شونو ته په خطاب کې ویلي چې په سوریه کې د واک او خلکو ترمنځ هیڅ توپیر نشته او هغوی باید ژر تر ژره خپلې وسلې وسپاري، مخکې له دې چې ناوخته شي.

واشنګټن – «طرزپرس» د امریکا د ملي امنیت سلاکار، مایک والتز، اعلان وکړ چې د امریکا د متحدو ایالتونو ولسمشر ډونالډ ټرمپ د خپلې دورې له پیل راهیسې تر اوسه د ۲۳ سخت دریځو اسلامي جهادپالو مشرانو د له منځه وړلو امر کړی دی.