د ولادیمیر پوتین مرستیال یوري اوشاکوف، ویلي چې مسکو د اوکراین په جګړه کې د هر ډول موقتي اوربند مخالف دی.
نوموړي ټينګار کړی چې د روسیې اصلي هدف د دې جګړې لپاره یو سولهایز او اوږدمهاله حل لاره موندل دي، خو د ۳۰ ورځو لپاره موقتي اوربند یوازې د اوکراین ځواکونو ته د بیا تنظیم او راټولېدو فرصت برابروي.
اوشاکوف ټینګار وکړ چې داسې تړونونه په تېرو وختونو کې یوازې جګړه اوږده کړې او د کړکيچ د زیاتېدو سبب شوي دي. دا څرګندونې په داسې حال کې مطرح کېږي چې ځینې هېوادونه او نړیوالې ادارې د جګړې د درولو او د مذاکراتو لپاره اوربند اړینه بولي.
