اسرائیلي او لوېدیځو رسنیو د امریکا له خوا پر ایران د احتمالي برید راپورونه ورکړي دي. د اسرائیل ۱۴ کانال د باخبرو سرچینو له قوله ویلي چې ایران ته ټاکل شوی مهلت د پای ته رسېدو په حال کې دی او متحده ایالات په دغه هېواد د برید لپاره چمتو کیږي.
دغه اسرائیلي رسنۍ وايي چې پر ایران احتمالي برید به «ډېر دروند» وي او کولی شي د دې هېواد ټولې اټومي زېربناوې او ان د آیتالله علي خامنهيي حکومت ونړوي.
بلخوا، اکسپرس ورځپاڼې هم د امریکا د حکومت له اړوندو سرچینو راپور ورکړی چې که ایران خپل جنجالي اټومي فعالیتونه پای ته و نه رسوي، نو دا حکومت به «تر سپټمبر میاشتې دړې وړې شي.»
په ورته وخت کې، راپورونه وايي چې د امریکا بموړونکي الوتکې او جنګي طیارې هم په سیمه کې د بشپړ چمتووالي حالت ته داخل شوي دي. تر دې وړاندې د امریکا ولسمشر، ، ډونالډ ټرمپ، خبرداری ورکړی و چې که تهران د امریکا اټومي تړون پر سر موافقې ته ونه رسیږي، نو له «دروند بمبارۍ» سره به مخ شي.
تر اوسه د امریکا او ایران رسمي چارواکو په دې راپورونو څه غبرګون نهدی ښودلی.
