تازه معلومات ښيي چې امریکا د ایران پر ضد د نظامي برید لپاره چمتووالی نیسي او د امریکا د مرکزي قوماندانۍ «سنتکام» ځواکونو په سیمه کې د خپل جنګي الوتکو نظامي مانورونه پیل کړي دي.
د سنتکام د راپور له مخې، د امریکا د هوایي ځواک A-10 تاندربولت جنګي الوتکې د سنتکام د مسؤلیت ساحې په فضا کې پروازونه کړي او دا اقدام په دې ترینګلي وضعیت کې ایران ته یو مستقیم خبرداری ګڼل کېږي.
A-10 تاندربولت کولی شي تر لسو توغندیو پورې وسلې ولېږدوي او د ښه ټکنالوژۍ د ځانګړتیاوو تر څنګ، د جګړې په ډګر کې هم د اوږدې مودې لپاره الوتنې کولی شي. د باخبرو سرچینو پربنسټ، واشنګټن د ایران پر ضد احتمالي نظامي برید ته د چمتوالي په حالت کې دی.
