اماماوغلو د چهارشنبې په ورځ د خپل پلرني ښار، طرابزون، کې د امنیتي ځواکونو له لوري ونیول شو. د ترکیې حکومت اعلان کړی چې نوموړی د «ترهګرۍ تمویل» په تور نیول شوی دی. دا تورونه د مخالفو ګوندونو لهخوا په کلکه رد شوي او دا نیول کېدل یې یوه سیاسي هڅه بللې چې موخه یې د حکومت د مخکښ سیال لرې کول دي.
په استانبول، انقره، او ازمیر کې زرګونه مظاهرهچیان د رجب طیب اردوغان د حکومت پر ضد شعارونه ورکوي. ځینې ځایي سرچینې راپور ورکړی چې د پولیسو او مظاهرهچیانو ترمنځ اخ و ډب شوی، او یو شمېر مظاهرهچیان نیول شوي دي.
بل پلو، نړیوالې ټولنې هم په ترکیه کې د روستي تحولاتو په اړه غبرګون ښودلی. اروپايي اتحادیې او د بشري حقونو یو شمېر سازمانونو د اماماوغلو د قضایي پروسې د روڼتیا غوښتنه کړې او د مظاهرهچیانو د ځپلو په اړه یې اندېښنه ښودلې ده. له بلې خوا، د ترکیې د اپوزیسیون مشرانو ویلي چې اعتراضونه به دوام ولري او له خپلو پلویانو یې غوښتي چې د «دیموکراسۍ د ځپلو هڅو» پر وړاندې مقاومت وکړي.
