د فرانسې ولسمشر امانویل مکرون او د بریتانیا صدراعظم کییر استارمر واشنګټن ته روان دي، ترڅو د امریکا له ولسمشر ډونالډ ټرمپ سره د اوکراین د کړکېچ او سولې په اړه خبرې وکړي.
د رویټرز د راپور له مخې، دا اروپايي مشران هڅه کوي ټرمپ قانع کړي چې له روسیې سره د سولې په مذاکراتو کې بېړه ونه کړي. اروپايي هېوادونه اندېښنه لري چې هر ډول بېړني توافق، پرته له دې چې د کیف ګټې په پام کې ونیسي، کولای شي د اوکراین دریځ د مسکو په وړاندې کمزوری کړي.
دا سفر داسې مهال ترسره کېږي چې په اوکراین کې جګړه لا هم روانه ده او په همدې دلیل د یوې ډیپلوماټیکې حللارې لپاره نړیوال فشارونه زیات شوي دي. مکرون او استارمر باور لري چې هر ډول توافق باید د ناټو او اروپايي هېوادونو په بشپړ همغږي ترسره شي، ترڅو د اوکراین ګټې په کې خوندي شي.
واشنګټن لا تر اوسه په رسمي ډول د دغو مذاکراتو په اړه خپل دریځ نه دی روښانه کړی، خو څارونکي باور لري چې د اوکراین د بحران په اړه د ټرمپ دریځ کولای شي د اروپا د امنیتي راتلونکي لپاره پراخې پایلې ولري.
امانویل مکرون، د فرانسې ولسمشر، او کییر استارمر، د بریتانیا صدراعظم، داسې مهال د امریکا له ولسمشر سره ګوري، چې ډونالډ ټرمپ ویلي، دغه دواړه مشران د اوکراین د جګړې د پای ته رسولو لپاره هیڅ کار نه دی کړی.
