نړۍ

د سپینې ماڼۍ ویاندې، کرولینا لیوت، اعلان وکړ چې د متحده ایالاتو ولسمشر ډونالډ ټرمپ، د کاناډا له لومړي وزیر جسټن ټروډو سره ټیلیفوني تماس نیولی دی.

رپورټونه ښیي چې د فریدریش مرتس په مشرۍ د CDU/CSU ګوند او د اولاف شولتس په مشرۍ د سوسیال ډیموکراټ ګوند (SPD) یا د آلمان د راتلونکې دولت احتمالي ائتلاف ترمنځ، د دې هېواد دفاعي بودیجې په برخه کې د ۵۰۰ میلیارده یورو د زیاتولو پر سر هوکړه شوې.

د جاپان د اورلګېدنې او له افتونو څخه د مخنیوي ادارې اعلان کړی چې د دې هېواد په اوفانوتا ښار کې د شپږ ورځو مخکې اورلګېدنه لا تراوسه دوام لري او ۲۶۰۰ هکتاره ځمکه یې سوځېدلې ده.

د سپینې ماڼۍ یوه چارواکي تأیید کړې چې د ولسمشر دونالد ټرمپ، اوکراین ته د امریکا د نظامي او وسلوالو مرستو لېږد موقتاً درولی دی.

د امریکا د بهرنیو چارو وزیر مارکو روبیو، چې د امريکا د ولسمشر دونالد ټرمپ او د نوموړي اوکرايني سیال ولادیمیر زلینسکي ترمنځ د تېرې شپې له تاوتریخوالي ډکې ناستې عیني شاهد و، نن اعلان وکړ چې زلنسکي د ټرمپ وخت ضایع کړی او باید رسماً بښنه وغواړي.

د امریکا د ولسمشر ډونالډ ټرمپ او د اوکراین ولسمشر ولودیمیر زلنسکي ترمنځ لیدنه، چې تمه وه پر دوه اړخیزو اړیکو او امنیتي مسایلو متمرکزه وي، له بې‌ساري شخړې او تاوتریخوالي سره پای ته ورسېده.

د امریکا له اوږدو اقتصادي او نظامي فشارونو وروسته، د اوکراين ولسمشر ولوديمير زلنسکي بالاخره اړ شو چې له واشنګتن سره د دې هېواد د نادرو کانونو د استخراج تړون ته غاړه کښېږدي. د «فرانسه» خبري آژانس د يوه اوکرايني چارواکي له قوله راپور ورکړی چې کي‌یف او واشنګټن د دې تړون په اړه توافق ته رسېدلي، او تمه کېږي چې اوکراين به دغه تړون د جمعې په ورځ لاسليک کړي.

د اوکراین ولسمشر ولادیمیر زلنسکي د امریکا د متحده ایالاتو ولسمشر دونالد ټرمپ هغه څرګندونو ته چې دی یې دیکتاتور بللی وو، ځواب ورکړ او ټینګار یې وکړ چې هغه دې مقام ته د زور په واسطه نه دی رسیدلی.

د آلمان د مسیحي دموکرات ګوند مشر او د دې هېواد نوی صدراعظم، فریدریش مرتس، د امریکا له هغه اقدام سره سخت مخالفت څرګند کړی چې دی یې «د آلمان د ټاکنو په بهیر کې لاسوهنه» بولي. مرتس، چې له خپلې بریا وروسته یې خبرې کولې، اروپایي هېوادونو ته خبرداری ورکړ چې امریکا متحده ایالات نور د اروپا برخلیک ته د پخوا په څېر ارزښت نه ورکوي، نو اروپا باید د خپلواکۍ پر لور ګامونه واخلي.