رپوټونه

طرز پرس: تر هغه وروسته چې د پاکستان لومړي وزیر شهباز شریف د ملګرو ملتونو په عمومي ناسته کې په افغانستان کې د ترهګریزو ډلو د شتون په اړه خبرې وکړې، اوس طالبانو داسې معلومات خپاره کړي چې د داعش خراسان د مشرتابه څرک یې په پاکستان کې موندلې ده.

طرز پرس: د ملا عبدالغني برادر د دفتر مشر عبدالله اعزام ویلي چې د دونالډ ټرمپ لخوا ملا برادر ته د ګواښونکي اړیکې جزییات به په مناسب وخت کې خپره کړي.

د افغانستان په دایکندي ولایت کې په عامو وګړو د داعش خونړي برید ته په غبرګون کې یو شمېر افغانان وايي چې طالبان په افغانستان کې امنیت نه شي ټینګولی او دوی خپل امنیت ته اندېښمن دي.

د افغانو ښځو د حقونو یو شمېر ملاتړي وايي چې په البانیا کې د ښځو په اړه جوړه شوې غونډه د افغانو ښځو اوسني ستونزې نه شي حل کولی او دا غونډې به هېڅ موثریت ونه لري. 

د خوست ولایت په ځاځي میدان ولسوالۍ کې د ډېورند فرضي کرښې ته څېرمه د طالبانو او پاکستاني پوله ساتو ځواکونو ترمنځ په تېره یوه اونۍ کې درې ځله نښتې شوي، مرګ‌ژوبله هم لري او لسګونه کورونه اړ شوي چې خپلې سېمې پریږدي.

د اوزبیکستان جګپوړي چارواکي وایي چې د طالبانو حکومت خپل تر وس د نړیوال تروریزم پر وړاندې مبارزه کوي او د طالبانو استخباراتي ځواکونه د داعش پر وړاندې په لومړۍ کرښه کې جنګیږي.

په اروپایي هېوادونو کې یو شمیر مېشت افغانان وایي، جرمني دې له افغانانو سره د نړیوالو قوانینو په رڼا کې چلند وکړي، په خپل هېواد کې دې سرغړونکو ته سزا ورکړي او خپلې هغې پرېکړې ته دې بیا کتنه وکړي چې غواړي بېرته یې خپل هېواد ته واستوي.

د طرز پرس موندنې ښيي چې د طالبانو سترې محکمې په تېره یوه میاشت کې د هېواد په نهو ولایتونو کې د یوې ښځې په ګډون ۳۵ کسانو ته تعزیزي سزاګانې ورکړي چې تر ټولو ډېر یې په خوست کې دي.

ټولنيزې رسنۍ له تېرو دوو ورځو راهیسې د افغان ښځو د پراخو غبرګونونو شاهده ده. د ښځو فعالینو داسې یو کمپاین پیل کړی چې د ترنم او شعرونو په لوستلو غواړي طالبانو ته وښايي چې د دوی غږ عورت نه دی.

د طالبانو مشر ویلي، د فریفایت ازادې سیالۍ، د ځینو مراسمو پر مهال د پټیو پرېکول، د ځینو مناسبتي ورځو لمانځل او دولتي ادارو کې پر قالینو له بوټانوسره ګرځېدل منکرات دي او بندیز پرې لګېدلی دی.