رپوټونه

د طرز پرس د راپور پر بنسټ، دغه مرکز په یوه اعلامیه کې د افغان خبريالانو پر وړاندې ورځ تر بلې له زیاتېدونکو ګواښونو اندېښنه ښودلې او ويلي يې دي چې د ۲۰۲۴ کال په لومړیو شپږو میاشتوکې د خبريالانو د نیولو او ګواښلو شاوخوا ٩٠ پېښې له دوی سره ثبت شوي دي چې يوازینی عامل یې طالبان دي.

په ننګرهار کې سیمه ییزو سرچینو خبر ورکړی، چې په دغه ولایت کې د طوفان او سختو بارانونو له امله ۳۵ تنه وژل شوي او ۲۳۰ نور ټپیان دي.

د پښتون ژغورنې غورځنګ غړي او د انقلابي شاعر ګیله من وزیر د مرګ خبر په افغانستان، پاکستان او نورو هېوادونو کې پراخ غبرګونونه پارولي دي. د طرز پرس د راپور پر بنسټ، ګيله من وزیر تېر ماښام د جولای په۱۰مه، د چړې د ګوزارونو له کبله د ژورو ټپونو په پایله کې ساه ورکړه او د پښتون ژغورنې غورځنګ مشر منظور پښتین تېره شپه په دې خبر خونړی مهر ولګاوه، چې ګيله من وزير نور د دوی په منځ کې نشته.

په پاکستان کې د امنیتي کړکېچ په اړه له زیاتېدونکو اندېښنو وروسته، اسلام اباد پرېکړه کړې چې د دغه هېواد د لومړي وزیر د مرستیال او د بهرنیو چارو د وزیر په مشرۍ یو لوړ پوړی پلاوی کابل ته واستوي.

د افغانستان په ختيځ کې د کاوون غږ راډيو مسوولين تاييدوي چې د دې رسنۍ دروازه د طالبانو له خوا تړل شوې او کارکوونکي يې هم له دفتر څخه بهر ایستل شوي دي.

هغه اسناد چې طرز پرس ته رسېدلي په ډاګه کوي چې خپلو دندوکې "حاضرې او فعالې" مېرمنې د نارینه کارمندانو په څېر خپل ټول حقونه او امتیازات ترلاسه کوي.

د پاکستان د پوځ لوی درستیز جنرال عاصم منیر د عزم استحکام په نوم تازه پلان شوې پوځي عملیات د پاکستان ثبات لپاره مهم بللي او ویلي یې دي چې پاکستان هر وخت د بهرنيو او کورنيو د سیسو د شنډ کولو لپاره چمتو ده.

د طالبانو د حکومت د صنعت او سوداګرۍ وزارت وايي چې د ازبکستان په څلور ورځني نندارتون کې د افغانستان څه باندې ۷۵ سلنه کورني تولیدات پلورل شوي دي.

د بشري حقونو د څار سازمان وايي، چې د پخواني جمهوري نظام د دفاع وزیر اسدالله خالد د بندیانو په زورونه، له محکمې پرته پر عمدي وژنو او پر بندیانو په جنسي تیري کې ښکیل پاتې شوی دی.

د بشري حقونو د څار سازمان وايي، د افغانستان د وحدت اسلامي ګوند مشر حاجي محمد محقق چې د بشر ضد په پراخو جرایمو تورن دی او په اروپايي هېوادونوکې په ازاد ډول تګ راتګ کوي، باید توقیف او پلټنه ترې وشي. د « طرز پرس » د راپور پر بنسټ، د بشري حقونو د څار سازمان د بشر ضد جرایمو په اړه تازه یوه مقاله خپره کړې او د نړۍ له یو شمېر هېوادونو یې غوښتنه کړې چې خپلو هېوادونو کې د بشر ضد پر جرایمو تورن پخواني او اوسني افغان چارواکي وپلټي او اجازه ور نه کړي چې هغوی په ازاد ډول اروپايي هېوادونوکې تګ را تګ وکړي.