تازه خبرونه

د المان پولیس وايي، هغه کس چې نن پنج‌شنبه «د سلواغې ۲۵مه» په مونیخ ښار کې د خپل موټر پر مټ برید وکړ، یو ۲۴ کلن افغان کډوال دی. د جرمني "بیلد" ورځپاڼې د راپور له مخې، په دې برید کې لږ تر لږه ۲۰ کسان ټپیان شوي، او د ټپيانو له ډلې د یوه ماشوم حالت د اندېښنې وړ بلل شوی دی.

طالبانو پر وړاندې د امریکا د فشارونو له زیاتوالي سره هم مهاله، د دې ډلې او قطري چارواکو ترمنځ لیده کاته هم زیاتې شوې دي. تازه، طالبانو اعلان کړی چې د دوی د ریاست‌الوزرا اقتصادي مرستیال، ملا عبدالغني برادر، نن «د سلواغې ۲۵مه» د قطر له لومړي وزیر او د بهرنیو چارو وزیر، محمد بن عبدالرحمن آل ثاني، سره په دوحه کې لیدلي او خبرې یې ورسره کړې دي.

د طالبانو د ښار او کور جوړونې وزارت ویاند، محمدکمال افغان وايي چې په دغه وزارت کې دننه د یو ځانمرګي چاودنې له کبله یو کس وژل شوی او درې نور ټپیان دي. نوموړي ویلي چې چاودنه د پنجشنبې په ورځ، د سلواغې ۲۵مه، سهار د وزارت د ودانۍ د وره مخې ته رامنځته شوې ده.

د روسیې د امنیت شورا منشي سرګي شویګو او د قزاقستان ولسمشر قاسم جومارت توقایف د سیمه‌ییزو او نړیوالو مهمو مسایلو تر څنګ د افغانستان پر موضوع خبرې کړي دي. دا ناسته د دواړو هېوادونو ترمنځ د ستراتیژیکو همکاریو د دوام په لړ کې ترسره شوه.

کندز – طرز پرس: داعش ډلې د تېرې ورځې هغه ځانمرګي برید مسئولیت منلی، چې د کندز ولایت په مرکز کې د کابل بانک د نمایندګۍ مخې ته ترسره شو. دې برید د طالبانو ځواکونو ته مرګ‌ژوبله اړولې ده.

د جرمني د بهرنیو چارو وزیرې، انالنا بربوک، د حماس پر لاس د یرغمل شویو کسانو او په ځانګړي ډول د جرمني وګړو د برخلیک په اړه اندېښنه څرګنده کړې او ټینګار یې کړی چې باید د دوی د خلاصون لپاره هڅې دوام ومومي.

کندز – «طرز پرس»: د کندز ښار کې د کابل بانک مخې ته د مرګوني چاودنې له کبله د طالبانو د یوه حوزې آمر په ګډون ۲۵ تنه وژل شوي او ۳۰ نور ټپیان دي. 

افغانستان لپاره د امریکا پخوانی استازی، زلمی خلیلزاد، وایي چې د مالیه ورکونکو بودیجه باید د امریکا ضد تبلیغاتو لپاره ونه لګول شي. نوموړي د ایلان ماسک د څرګندونو ملاتړ کړی او په خپل ایکس پاڼه کې لیکلي چې د «امریکا غږ» او «ازادي راډیو» فعالیتونه باید له نږدې وڅېړل شي.

د طالبانو ویاند، ذبیح‌الله مجاهد، هغه راپورونه ناسم بللي چې وایي پاکستان ممکن د داعش پر ضد د افغانستان په خاوره کې نظامي عملیات ترسره کړي.

د طالبانو دفاع وزارت له متحده ایالاتو څخه غوښتنه کړې چې هغه اووه «بلک‌هاوک» هلیکوپټرونه، چې تازه له ازبکستان څخه امریکا ته انتقال شوي، بېرته افغانستان ته وسپاري.