تازه خبرونه

تازه معلومات ښيي چې امریکا د ایران پر ضد د نظامي برید لپاره چمتووالی نیسي او د امریکا د مرکزي قوماندانۍ «سنتکام» ځواکونو په سیمه کې د خپل جنګي الوتکو نظامي مانورونه پیل کړي دي.

پاکستان د مارچ په میاشت کې د تېرې یوې لسیزې تر ټولو زیات بریدونه تجربه کړي دي. د پاکستان د امنیت او شخړو د مطالعاتو انستیتوت په یوه راپور کې ویلي، چې په دغه یوه میاشت کې لږ تر لږه ۸۴ بریدونه ترسره شوي او له کبله یې ۲۲۸ کسان وژل شوي او ۲۵۸ نور ټپیان دي.

د طالبانو ویاند، ذبیح الله مجاهد، ویلي چې دې ډلې د خپلو ځانمرګو بریدګرو کورنیو څخه د ملاتړ لپاره، ۱۲ میلیارده افغانۍ ځانګړې کړې دي. نوموړي دا څرګندونې د طالبانو تر کنټرول لاندې ملي ټلویزیون سره په مرکه کې کړې، چې د وري ۱۲مه د اېکس په پاڼه خپره شوې ده.

د آلمان د بهرنیو چارو وزیره، آنالنا بئربوک، نن سه‌شنبه په یو نه‌اعلان شوي سفر کې د اوکراین پلازمینې کی‌یف ته ورسیده. الماني رسنیو ویلي چې دا سفر له اوکراین څخه د آلمان د ملاتړ د دوام په هدف ترسره شوی دی.

د افغانستان د جمهوري دولت وروستی ولسمشر محمد اشرف غني په خپل اختریز پیغام کې طالبانو ته په غیرمستقیمه توګه اشاره کړې او ویلي چې د افغانستان اصلي ستونزه د مشروعیت مسئله ده او طالبان باید د بدلون لپاره سختې پرېکړې ته تیار شي.

تازه په ټولنیزو رسنیو کې یو محرم استخباراتي سند خپور شوی، چې د طالبانو په حکومتي اداروکې د پاکستان استخباراتي اداره (آی‌اس‌آی) پراخ نفوذ په ډاګه کوي. دا مکتوب د طالبانو د استخباراتو د ۳۷۶ ریاست لخوا د وري میاشتې په لومړۍ نېټه، شاوخوا یوه اوونۍ مخکې، صادر شوی دی.

طرز پرس ته د رسېدلیو معلوماتو پر بنسټ، حاجي ستار د امام‌صاحب ولسوالۍ اوسېدونکی و چې په باسوس ښارګوټي کې یې د غنمو تجارت کاوه. هغه د دې ولایت د یوه پیژندل شوي سوداګر کورنۍ غړی دی، چې ورور او ماما یې هم په سوداګریزو چارو بوخت دي.

یو شمېر افغان کډوال د پاکستان لومړي وزیر شهباز شریف ته پرانیستی لیک استولی او له نوموړي یې غوښتنه کړې چې افغانستان ته د کډوالو د شړلو په پرېکړې له سره غور وکړي.

د طالبانو مشر ملا هبت‌الله آخندزاده، چې تر اوسه د امنیتي ستونزو له وېرې عام محضر ته نه‌دی را څرګند شوی، په خپله تازه اختریزه وینا کې بیا هم د پخوا په څېر تکراري ادعاوې کړي او د افغانستان د خلکو اساسي ستونزو ته‌یې هیڅ اشاره نه‌ده کړې.

له افغانستان څخه د امريکايي پوځيانو له بې پروا او غیر مسولانه وتلو تر درې کاله وروسته، لا هم هېڅ امریکايي چارواکی د دې ستراتيژيک ناکامۍ له امله نه محاکمه شوی او نه یې حساب ورکړی. دا وتل، چې د طالبانو د بيا واک ته رسېدو، د کابل د چټک سقوط، او د ۱۳ امریکايي سرتېرو او لسګونو افغان ملکي وګړو د وژل کېدو لامل شو، اوس هم تر سختو نیوکو لاندې دی.