له افغانستان څخه د امريکايي پوځيانو له بې پروا او غیر مسولانه وتلو تر درې کاله وروسته، لا هم هېڅ امریکايي چارواکی د دې ستراتيژيک ناکامۍ له امله نه محاکمه شوی او نه یې حساب ورکړی. دا وتل، چې د طالبانو د بيا واک ته رسېدو، د کابل د چټک سقوط، او د ۱۳ امریکايي سرتېرو او لسګونو افغان ملکي وګړو د وژل کېدو لامل شو، اوس هم تر سختو نیوکو لاندې دی.
د سپینې ماڼۍ ویاندې، کارولین لیویت، په تازه څرګندونو کې ویلي چې د بايدن اداره د دې ناکامۍ مسؤلین نهدي محاکمه کړي او دا چاره يې «د کرکې وړ» بللې ده. د هغې په وينا، «حتی يو کس» د دې ناکامې پرېکړې له امله محاکمه نهشو، سره له دې چې شواهد او راپورونه ښيي چې د امريکايي ځواکونو د وتلو پر مهال جدي تېروتنې شوې وې.
د امريکا ولسمشر پخواني ولسمشر جو بايدن، تر دې وتلو وروسته ادعا وکړه چې دا عمليات «بریالي» ول او امريکا «خپل هدف ته رسېدلې». خو هغه حالت چې پر افغانستان راغی، د ده له دې ادعاوو سره په ټکر کې وې.
