د طالبانو مشر ملا هبتالله آخندزاده، چې تر اوسه د امنیتي ستونزو له وېرې عام محضر ته نهدی را څرګند شوی، په خپله تازه اختریزه وینا کې بیا هم د پخوا په څېر تکراري ادعاوې کړي او د افغانستان د خلکو اساسي ستونزو تهیې هیڅ اشاره نهده کړې.
نوموړي په دې اوږده وینا کې د افغانستان د اقتصادي بحران، د بېکارۍ ستونزې او د ښځو د تعلیم په برخه کې هېڅ نه دي ویلي. ملا هبت الله یوازې د طالبانو د غړو ترمنځ د یووالي غوښتنه کړې او له خپلواکو رسنیو څخه یې شکایت کړی دی.
دا په داسې حال کې ده چې میلیونونه افغانان له بې وزلۍ، بېکارۍ او ښځې له زدهکړو څخه د منع کېدو له امله سخت زیانمن شوي دي، خو هبتالله ادعا کوي چې افغانستان د طالبانو تر واک لاندې «په امنیت او خوشحالۍ» کې ژوند کوي. نوموړي د اقتصادي او ټولنیزو ستونزو یادونه نهده کړې، بلکې خلکو تهیې ویلي چې «د مغرضو کړیو تبلیغات» دي ونه مني.
دا څرګندونې په داسې حال کې کېږي چې نړیوال بنسټونه، په ځانګړې توګه ملګري ملتونه، وايي چې د افغانستان نیمايي وګړي له سختې بېوزلۍ سره مخ دي او بېکارۍ هم په بېساري کچه لوړه شوې ده.
ملا هبت الله په خپل اختریزه وینا کې په مشخص ډول د دې ډلې له چارواکو غوښتي چې له کورني اختلافاتو ډډه وکړي. دا غوښتنه د طالبانو د کورنیو اختلافاتو د زیاتوالي ښکارندویي کوي. نوموړي همداراز له هغو رسنیو شکایت کړی چې د طالبانو تر کنټرول لاندې نهدي، او د هغوی راپورونهیې «مایوسهکوونکي» بللي دي.
د خلکو له اصلي ستونزو څخه د طالبانو د مشر تېښته، د اقتصادي وضعیت د ښه والي لپاره د یو مشخص پلان نهلرل او د همیشنیو ادعاوو تکرار، دا څرګندوي چې د طالبانو د مشر اختريز وینا هیڅ نوې خبره نهلري، بلکې یوازې دا هڅه په کې شوې چې د افغانستان د خلکو پر ترخو حقیقتونو پرده واچوي.
