اقتصاد

طرز پرس: د افغانستان او پاکستان ترمنځ ترانزیتي ننګونې له څو لسیزو راهیسې له پېچلو سیاسي تګلارو سره تړلې دي. پاکستان په دې کلونو کې تل له ترانزیت څخه د یوې وسیلې په توګه کار اخیستی چې پر افغانستان فشار راوړي، او دا مسئله نه یوازې د افغانستان پر اقتصاد او بازار باندې اغېز کړی، بلکې داخلي نارضایتۍ یې هم راپورته کړي دي.

طرز پرس: د نړیوال څو اړخیز بې وزلي څانګې (MPI) کلنی راپور، چې په ګډه د ملګرو ملتونو د پراختیا پروګرام (UNDP) او اکسفورډ پوهنتون لخوا خپور شوی، په اندیښمنه توګه ښیي چې د ۲۰۲۲ او ۲۰۲۳ کلونو ترمنځ نږدې دوه په درېیمه برخه د افغانستان وګړي په بې وزلۍ کې ژوند کوي. دا راپور چې د طالبانو تر واک لاندې د افغانستان د خلکو اقتصادي او ټولنیز وضعیت باندې تمرکز کوي، د دې رژیم لاندې د خلکو ژوند یوه توره او دردوونکې انځور وړاندې کوي.

په ۲۰۰۷ کال کې د ملګرو ملتونو عمومي اسامبلې د اکتوبر ۱۵مه نېټه د «کلیوالي ښځو نړیواله ورځ» په توګه وټاکله. له ۲۰۰۸ کال راهیسې، دا ورځ د کلیوالي ښځو په کورني اقتصاد، کرنیزې ودې، د خوړو په امنیت، او د فقر پر وړاندې مبارزه کې د هغوی د مهم رول په درناوي لمانځل کیږي. همدارنګه، په یوې پرېکړه کې له هېوادونو غوښتنه شوې چې له نړیوالو سازمانونو او مدني ټولنې سره په همغږۍ کې د کلیوالي ښځو د ژوند شرایطو د ښه والي لپاره ګامونه پورته کړي.

طرز پرس: طالبانو په افغانستان کې د لومړي ځل لپاره یو نوي بس موټر تولید کړی دی. د طالبانو ویاند ذبیح الله مجاهد پخپل اېکس پاڼه کې ويلي چې ډېر ژر به دا بس موټر په هېواد کې د ښاري خدمتونو لپاره وکارول شي.

طرز پرس: د خوړو نړېوال سازمان په افغانستان کې پراخې بېوزلۍ ته په اشارې سره ویلي دي چې زیاتره ماشومان یوازې د وچې ډوډۍ او چای په خوړلو سره ژوندي پاتې کيږي.

د ترکمنستان د بهرنیو چارو وزارت وايي چې په افغانستان کې د تاپي پروژې د عملي کار د پیل لپاره پوره چمتووالی لري او په نږدې راتلونکې کې به په افغانستان کې د تاپي پروژې عملي کار پیل شي.

طالبانو اعلان وکړ چې په ۱۴۰۲ لمریز کال کې په افغانستان کې سوداګري د پام وړ وده کړې او شاوخوا لس میلیارده ډالرو ته رسېدلې ده. د طالبانو د صنایعو او سوداګرۍ وزارت وايي چې په تېرکال کې افغانستان ۱/۸ میلیارده ډالره صادرات او ۸/۲ میلیارده ډالر واردات کړي دي

د طالبانو حکومت د افغانستان د پیسو د تبادلې په لوی مارکېټ شهزاده سرای کې د سیارو صرافیو کار منع کړی دی. د طرز پرس د راپور له مخې، په یوې اطلاعیې کې چې پرون رسنیو ته رسېدلې او د طالبانو د حکومت د کورنیو چارو وزارت، استخباراتو ریاست، مرکزي بانک او د صرافانو د اتحادیې له‌خوا لاسلیک شوې، په شهزاده سرای کې د بهرنیو اسعارو "بولۍ" منع ګرځول شوې ده.

د طالبانو د حکومت د صنعت او سوداګرۍ وزارت وايي چې د ازبکستان په څلور ورځني نندارتون کې د افغانستان څه باندې ۷۵ سلنه کورني تولیدات پلورل شوي دي.

د طالبانو د صنعت او سوداګرۍ سرپرست وزیر د ازبکستان د ترانسپورت له وزیر سره په کتنه کې د دواړو هېوادونو ترمنځ د ټرانزیټي پروژو پر زیاتوالي ټینګار کړی دی.