نړۍ

د اسرائیل لومړی وزیر، بنیامین نتانیاهو، د امریکا د بهرنیو چارو وزیر مارکو روبیو سره په یوه ګډه خبري غونډه کې د خپل هېواد پر هغه ژمنتیا ټینګار وکړ چې د امریکا په ملاتړ د ایران لخوا له هر ډول احتمالي ګواښونو پر وړاندې مبارزه کوي.

د اوکراين ولسمشر وايي، هېواد يې هېڅ داسې د سولې تړون نه‌مني چې د اوکراين له ګډون او مستقيمې ونډې پرته ترلاسه شي. ولادیمیر زلنسکي، چې د مونيخ په امنيتي کنفرانس کې يې خبرې کولې، د هغو هېوادونو د هڅو یادونه وکړه چې غواړي د اوکراين او روسيې جګړه پای ته ورسوي، خو په عین حال کې یې خبرداری ورکړ چې د پردې تر شا داسې جوړجاړی، چې د اوکراين ګټې په پام کې نه‌نیسي، د منلو نه‌دی.

د امريکا د ولسمشر مرستيال، جي‌ډي ونس، آلمان کې خپل د سفر پر مهال د ښي اړخي افراطي ګوند «د آلمان لپاره بديل» له مشرې، آليس وايدل، سره ليدلي دي. دا ليدنه، چې د امريکايي چارواکو او د وايدل د وياند له لوري تاييد شوې، په برلين کې له سختو غبرګونونو سره مخ شوې ده.

د جرمني د بهرنیو چارو وزیرې، انالنا بربوک، د حماس پر لاس د یرغمل شویو کسانو او په ځانګړي ډول د جرمني وګړو د برخلیک په اړه اندېښنه څرګنده کړې او ټینګار یې کړی چې باید د دوی د خلاصون لپاره هڅې دوام ومومي.

واشنګټن – «طر‍ز پرس» د امریکا ولسمشر ډونالډ ټرمپ د مکسیکو خلیج د نوم بدلولو فرمان لاسلیک کړ، چې له دې وروسته به دا خلیج د امریکا خلیج په نوم یادېږي. دا پرېکړه هغه مهال وشوه، چې ټرمپ د امریکا د فوټبال لیګ پایلوبې لېدو لپاره نیواورلینز پر لور روان و.

د امریکا د متحده ایالاتو ولسمشر ډونالډ ټرمپ، له نړیوالو غبرګونونو سره سره، یو ځل بیا د غزې د ولکې پر اړتیا ټینګار کړی او ویلي یې دي چې دا سیمه به وپېري او حماس ته به د بېرته راتګ اجازه ورنه کړي.

افغانستان لپاره د امریکا پخوانی استازی، زلمی خلیلزاد، وایي چې د مالیه ورکونکو بودیجه باید د امریکا ضد تبلیغاتو لپاره ونه لګول شي. نوموړي د ایلان ماسک د څرګندونو ملاتړ کړی او په خپل ایکس پاڼه کې لیکلي چې د «امریکا غږ» او «ازادي راډیو» فعالیتونه باید له نږدې وڅېړل شي.

د امریکا فدرالي محکمې د ایلان ماسک په مشرۍ د «دوج» سازمان هغه واک واخیست چې د میلیونونو امریکايانو مالي مالوماتو یې لاسرسی درلود.

د اسرائیل لومړي وزیر، بنیامین نتانیاهو، د پنجشنبې په ورځ د سلواغې ۱۸مه، ویلي چې فلسطینیان کولی شي د سعودي عرب په خاوره کې یوه خپلواکه هېواد جوړ کړي. نوموړي ټینګار کړی: «سعودي عرب په کافي ډول ځمکې لري او کولی شي فلسطینیانو لپاره یوه خپلواکه دولت جوړ کړي.»