سیمه

وال سټریټ ژورنال ورځپاڼې د باوري سرچینو په حواله راپور ورکړی چې د امریکا د منتخب ولسمشر ډونالډ ټرمپ ټیم، په جدي ډول هغه امکانات ارزوي چې له مخې یې اټومي وسلو ته د ایران د رسېدو مخه ونیول شي. د راپور پر بنسټ، دغو ارزونو کې پر ایران «د امریکا د هوایي بریدونو» احتمال هم شامل دی.

اسراییل ټایمز ورځپاڼې د دې هېواد د امنیتي سرچینو په حواله راپور ورکړی چې د اسراییل هوايي ځواک د ایران پر اټومي تاسیساتو د احتمالي برید لپاره چمتووالی نیسي.

د خیبر پښتونخوا اړوند پاراچنار سیمه کې د بېګاه شپې نښتې له کبله لږ تر لږه ۱۸ کسان وژل شوي او ۳۳ نور ټپیان دي. د پاکستان امنیتي مسوولین وايي چې دا جګړه د «فرقو» ترمنځ د شیعه وګړو پر یو کاروان له خونړي برید وروسته پیل شوې ده.

پاکستان - طرز پرس: د پاکستان پوځ اعلان وکړ چې په جنوبي وزیرستان کې له تحریک طالبان پاکستان سره په جګړه کې، څلور پاکستاني پوځیان وژل شوي دي. 

واشنګټن «طرز پرس» - تر هغه وروسته چې پنټاګون ایران ته مستقیم خبرداری ورکړ چې له نظامي تحرکاتو لاس واخلي، د امریکا مرکزي قومندانۍ «سنتکام» اعلان وکړ چې څو بي-52 بم غورځونکي الوتکې یې منځني ختیځ ته رسېدلې دي.

طرز پرس: د ایران ولسمشر مسعود پزشکیان وایي، چې د جګړې پلوی نه دی، خو د اسرائیل هوایي برید ته به «متناسب» ځواب ورکړي. نوموړي نن یکشنبه، د اکتوبر ۲۷مه، په یوه بیانیه کې ویلي چې دا ځل به د ایران ځواب په تدبیر، دقت او حوصلې سره ترسره شي.

طرز پرس: د ایران د بهرنیو چارو وزیر وايي چې امریکا پر ایران د اسرائیل په وروستي برید کې برخه اخېستې وه. عباس عراقچي دا څرګندونې نن د یکشنبې په ورځ د اکتوبر په ۲۷مه، له ایراني رسنیو سره په یوه مرکه کې وکړې. هغه وویل چې اسرائیل د امریکا له ملاتړ پرته، پر ایران او ان پر غزې او لبنان هم د برید جرات نه شي کولی.

طرز پرس: د ایران رسنیو خبر ورکړی چې د اسراییل د تېرې شپې په هوايي بریدونوکې د وژل شویو نظامي افسرانو شمېر څلورو کسانو ته رسېدلی دی.

طرز پرس: په پاکستان کې یو شمېر امنیتي سرچینو خبر ورکړی چې د تحریک طالبان پاکستان « ټي‌ټي‌پي» په یرغلیز برید کې لږ تر لږه ۱۰ پاکستاني پوځيان وژل شوي دي. د ټي‌ټي‌پي دا مرګونی برید د پنجشنبې په ورځ د لړم دریمه، د خیبرپښتونخوا په ډیره اسماعیل خان سیمه کې د پاکستاني پوځيانو پر یوه امنیتي پوستې ترسره شوی دی.

طرز پرس: وسله‌والو بریدګرو د ترکیې پر هوايي شرکت ډله ییز برید کړی دی. د ترکیې د کورنیو چارو وزارت وايي، چې تر اوسه درې ملکیان وژل شوي او ۱۴ نور ټپیان دي. د سرچینې په وینا، دوه بریدګر هم وژل شوي دي.