افغانستان

واشنګټن، متحده ایالات – د امريکا د کانګرس غړې، آنا پائولینا لونا، د طالبانو تر واک لاندې افغانستان ته د امریکا د نغدي مرستو په اړه په سختو الفاظو نیوکه کړې او ټینګار یې کړی چې «د مالیه ورکوونکو یو ډالر هم باید طالبانو ته ونه رسیږي.»

پاکستاني چارواکي وایي چې طالبانو په اسلام‌آباد کې د نجونو د زده کړو په اړه په ترسره کېدونکي کنفرانس کې د دوی بلنه رد کړې ده. د پاکستان د پوهنې وزیر، خالد مقبول صدیقي، تایید کړې چې په دغه کنفرانس کې طالبانو ته بلنه ورکړل شوې وه؛ خو د طالبانو هېڅ غړي د ګډون لپاره چمتووالی نه دی ښودلی.

له بغلان ولایت څخه سیمه‌ییزو سرچینو تایید کړې چې د سې شنبې په ماښام «د مرغومي ۱۸مه»، دوه دیني عالمان له جومات څخه د وتلو او یوې میلمستیا ته د تګ پر مهال د برید ښکار شوي دي. په دې پېښه کې یو دیني عالم عبدالرزاق وژل شوی او بل دینی عالم حمدالله چې د مرکزي بغلان ولسوالۍ د جومات امام هم وو، سخت ټپي شوی دی.

د طالبانو لوی درستیز فصیح‌الدین فطرت، له ایران او پاکستان څخه غوښتي چې پر افغان کډوالو «ظلم» نور پای ته ورسوي او هغوی ته اجازه ورکړي چې په خپله خوښه افغانستان ته ستانه شي.

هندوستان د افغانستان پر خاوره د پاکستان هوايي برید په سختو ټکو غندلی دی. د هند د بهرنیو چارو وزارت له دوو اوونیو وروسته په یوه بیان کې ویلي، چې د ګاونډیانو تورنول یوازې د پاکستان د کورنیو کمزوریو د پټولو هڅه ده.

له افغانستان څخه د غیر مسوولانه وتلو په تړاو د جوبایډن پر ادارې د نیوکو په لړکې د امریکا د بهرنیو چارو وزیر، انتوني بلېنکن، یوځل بیا ویلي چې له افغانستان څخه د امریکايي ځواکونو وتل د بایډن ادارې لپاره یوه لویه لاسته راوړنه ده.

د پاکستان هوايي بریدونه او د طالبانو غبرګون نن سبا د پاکستان او طالبانو د چارواکو ترمنځ په یوه ګرمه موضوع بدله شوې ده. د طالبانو د بهرنیو چارو وزارت مرستیال عباس ستانکزي د افغانستان لپاره د پاکستان د پخواني استازي، آصف دراني، د څرګندونو په ځواب کې ګواښ کړی: «هر څوک چې زموږ خاورې ته په بده سترګه کتلي

د دونالډ ټرمپ د ملي امنیت سلاکار مایک والتز وايي، افغانستان به د امریکا د هغه نوې ستراتیژۍ یوه مهمه برخه وي چې موخه یې د داعش او القاعدې په څېر له تروریستي ډلو سره مبارزه ده. نوموړي له فاکس‌نیوز سره په یوه مرکه کې وویل: «افغانستان لا هم د داسې تروریستي فعالیتونو لپاره یو بالقوه مرکز دی چې ممکن د امریکا لپاره جدي ګواښ وي.»

د ملګرو ملتونو د بشري حقونو عالي کمېشنر فولکر ترک، له طالبانو غوښتنه کړې چې د افغانو ښځو پر وړاندې ټول تبعیضي فرمانونه لغوه کړي. هغه د طالبانو وروستۍ اخطار، چې په هغه کې د ښځو د ګمارنې په صورت کې د غیر دولتي سازمانونو د جوازونو د لغوه کېدو ګواښ شوی، «بشپړ تېروتنه» بللې او د پایلو په اړه یې خبرداری ورکړی.

د طالبانو د کورنیو چارو وزیر سراج الدین حقاني د پاکستان وروستي اقدامات وغندل او دا یې د ټولو نړیوالو اصولو خلاف وبلل. نوموړي وویل، پاکستان پر افغانستان د برید پرېکړه داسې مهال کړې چې طالبان له ۲۰۲۱ کال راهیسې په پرله‌پسې ډول هڅه کوي افغان خاوره د هیڅ بل هېواد پر ضد ونه کارول شي.