نړۍ

د امريکا د بهرنيو چارو وزير، انتوني بلينکن وايي چې په سوريه کې د بشار اسد د وسله والو مخالفينو د بريدونو شدت او د پام وړ پرمختګونه ښيي چې روسيه او ايران سخت اندېښمن شوي دي.

د سوریې ولسمشر بشار اسد، په دې هېواد کې وروستیو تحولاتو ته په غبرګون کې د لومړي ځل لپاره متحده ایالات او د واشنګټن لوېدیځ متحدین په دې تورن کړي چې د سوریې د تجزیې لپاره یوه نوې دسیسه پر مخ وړي.

د جرمني صدراعظم اولاف شولتز اوکراین ته د خپل د وروستي سفر په ترڅ کې له دغه هېواد سره د ۶۵۰ میلیونه یورو په ارزښت د نظامي تجهیزاتو د مرستې اعلان وکړ او وویل چې دا مرستې به د دسیمبر تر پایه اوکراین ته ورسیږي.

په سوریه کې د بشارالاسد د مخالفینو له پام وړ پرمختګونو وروسته، اوس د امریکا متحده ایالات وایي چې په دې هېواد کې وروستی کړکېج، پر مسکو او تهران د بشارالاسد د حکومت د تکیه کولو پایله ده.

په سوریې کې د وروستیو تحولاتو په اړه تازه راپورونه ښيي چې د بشار اسد د حکومت مخالف اسلامپالو ډلو د پام وړ پرمختګونه کړي او د حلب ښار ستراتیژیک هوایي ډګر یې هم نیولی دی.

د روسیې ولسمشر ولاډیمیر پوتین، له ۱۷ کلونو وروسته د المان له پخوانۍ صدراعظمې انګیلا مرکل څخه له دې کبله بښنه وغوښته چې د ۲۰۰۷ کال کې له هغې سره په یو رسمي ملاقات کې یې خپل سپی راوستی و.

د بشار الاسد د رژیم مخالفینو نن د جمعې په ورځ د سوریې ستراټژیک ښار حلب ته داخل شول او څو شېبې وړاندې یې د سوریې د اردو ځینې نظامي مرکزونه هم تر خپل کنټرول لاندې راوستي دي.

نیویارک ټایمز په یوه راپور کې د کډوالو په برخه کې د ډونالډ ټرمپ د سیاستونو او د غیرقانوني مهاجرینو د پراخو شړلو د طرحې د پلي کېدو ستونزې څېړلي دي. په راپور کې ویل شوي چې د ټرمپ ملاتړي د هغه بریا د کډوالو په برخه کې د سختو سیاستونو د پلي کېدو په ځانګړې توګه د غیرقانوني مهاجرینو ډله‌يیز اخراج سره تړلې بولي.

د اسراییلو او حزب‌الله ترمنځ له شاوخوا یو کلنې جګړې وروسته بالاخره د امریکا په منځګړتوب نن «چهارشنبه، د نومبر ۲۷مه» اوربند وشو او د سیمې پر وخت د سهار په څلورو بجو دا اوربند په رسمي ډول پیل شو.

په فرانسې کې زرګونو کسانو د ښځو پر وړاندې د ورستیو پرله پسې تاوتریخوالو پرضد لاریونونه ترسره کړل. دا لاریونونه په داسې حال کې ترسره شوې چې پاریس په ورستیوکې د یوې وېروونکې ډله ییزې جنسي تېري د قضیې شاهد وو. په دې پېښه کې یو سړي خپله مېرمن بېهوښه کړې وه او ۵۱ ناپېژاندو سړیو ته یې اجازه ورکړې وه چې په خپل کور کې پرې جنسي تېری وکړي.