تازه خبرونه

په داسې حال کې چې داعش ډلې یوه ورځ مخکې په کابل کې د یوې خونړۍ ځانمرګي بريد په واسطه تر شلو ډېرو ته مرګ ژوبله واړوله، خو د طالبانو د لومړي وزیر سیاسي مرستیال وايي، چاته اجازه نه ورکوي چې د افغانستان نظم او امنیت اخلال کړي.

چین او روسیه ویلي چې د طالبانو د امر بالمعروف قانون د افغانستان کورنۍ مسئله ده او دومره ارزښت نه لري چې د ملګرو ملتونو امنیت شورا دې پرې پرېکړه لیک صادر کړي.

د ازبیکستان چارواکو د تاشکند په کوربه توب د شانګهای غونډې د پیل خبر ورکړی او ويلي یې دي چې دا غونډه د «نویو امنیتي ګواښونو» په وړاندې د مبارزې پر کړنلارې متمرکزه ده.

د شپږو یرغمل شویو اسرائيلي وګړو تر وژل کېدو وروسته، د امریکا قانون جوړونکو او سناتورانو اعلان وکړ چې باید ډېر ژر اسرائيل او حماس د اوربند په اړه په غزه کې موافقې ته ورسیږي.

د طالبانو د کورنيو چارو وزارت اعلان کړی چې د کابل په ننني چاودنه کې د یوې ښځې په ګډون شپږ کسان وژل شوي او ۱۳ نور ټپیان دي.  طرز پرس- د طالبانو د کورنیو چارو وزارت ویاند خالد ځدران، دوشنبه د وږي ۱۲مه، پخپل اېکس پاڼه کې لیکلي، چې دغه چاودنه د شپږمې امنیتي حوزې اړوند د قلعه بختیار په سیمه کې ترسره شوې ده.

طالبانو خبر ورکړی چې د دوی مشر ملا هیبت الله شبرغان ته خپل د سفر په لومړي ورځ ليلي دښتې ته ورغلی او هلته یې خپلو وژل شویو جنګياليو ته دوعاګانې کړي دي.

د امریکا د بهرنیو چارو وزارت اعلان کړی چې واشنګټن په افغانستان کې له جګړې او وسله‌والې نښتې ملاتړ نه کوي. طرز پرس: د امریکا د بهرنیو چارو وزارت ویاند متیو میلر فاکس نیوز ته ویلي چې واشنګټن نه غواړي افغانستان بیا جګړې ته لاړ شي.

د امر بالمعروف او نهی عن المنکر قانون پر وړاندې د غبرګونونو په دوام کې، د ازادۍ پر لور د ښځو غورځنګ له نړیوالې ټولنې غوښتنه وکړه چې طالبان دې منزوي کړي او له دې ډلې سره دې له هر ډول تعامل څخه ډډه وکړي.

طالبان په لومړي ځل د دوی په بندخونو کې د ښځو بندیانو په اړه جزییات خپاره کړل او د دغه راپور پر بنسټ، لږ تر لږه زر ۱۰۰۰ تنه ښځې د طالبانو په بندخونو کې زندانیانې دي.

پاکستان کې د ورستیو خونړیو بریدونو په ترڅ کې د دغه هېواد پوځ اعلان وکړ چې مخالف وسله وال یې سخت ځپلی او ۳۷ تنه مخالفین یې وژلي دي. طرزپرس: واشنګټن پوست د پاکستان د پوځ په حواله راپور ورکړی، چې پاکستاني پوځيانو په څو نظامي عملیاتو کې مخالفو وسله والو ته یې درنه تلفات اړولي دي.