سیمه

د ایران ولسمشر مسعود پزشکیان، په لبنان کې وروستي چاودنې غندلي او ویلي یې دي چې امریکا سر تر پایه د داسې «جنایاتو» په ترسره کولو کې له اسراییل څخه ملاتړ کوي.

پاکستاني رسنیو راپور ورکړی چې د افغانستان په چارو کې د پاکستان ځانګړی استازی آصف درانی، کابل پر وړاندې د اسلام آباد په سیاست کې د اختلافاتو له کبله ګوښه شوی دی.

ایراني رسنیو د ډیپلوماټیکو سرچینو په حواله خبر ورکړی چې په پاریس کې د ایران سفارت سرپرست، روسیې ته د بالستیک توغندیو د استولو په برخه کې د سپیناوي لپاره احضار شوی دی.

ایراني رسنیو د سپاه پاسداران د عمومي قوماندان حسین سلامي په حواله راپور ورکړی چې هغه اسراییل ته په خطاب ګواښ کړی چې دا ځل به د ایران غچ بل ډول وي.

د ترکیې ولسمشر رجب طیب اردوغان یوځل بیا د اسراییل لخوا مخ پر زیاتېدونکو ګواښونو اندېښنه ښودلې او ټيڼګار یې کړی چې یوازې د اسلامي هېوادونو اتحاد کولی شي د اسراييل د «دولتي ترهګرۍ» مخه ونیسي.

تحریک طالبان پاکستاني (ټي ټي پي) اعلان کړی چې دوی نن په خیبر پښتونخوا کې یو پاکستاني پولیس افسر تښتولی دی. طرز پرس - تحریک طالبان پاکستاني نن جمعه، د وږي ۱۶مه، یو انځور خپور کړی او ادعا یې کړې چې د دوی جنګیالیو د خیبر پښتونخوا په بنو سیمه کې یو پولیس افسر تښتولی دی.

د پاکستان امنیتي سرچینو خبر ورکړی چې نن سهار په خیبر پښتونخوا کې د پاکستاني پوځیانو پر یو مرکز ځانمرګی ډله ييز برید شوی او دا برید لاهم روانه ده. طرز پرس- د پاکستان پولیسو په یوه اعلامیه کې ویلي چې ځانمرګو بریدګرو نن د جمعې ورځ، د وږي ۱۶مه نېټه، د خیبر پښتونخوا ایالت په مهمند سیمه کې د غلنۍ پر پوځي مرکز باندې برید کړی دی.

د سپاه پاسداران یوه لوړپوړي چارواکي ویلي چې اسرائیل باید د ایران ځواب ته په تمه ووسي، خو د دې ځواب دقیق وخت به د ایران مشرانو او د وسلوالو ځواکونو چارواکو لخوا وټاکل شي.

د ازبیکستان چارواکو د تاشکند په کوربه توب د شانګهای غونډې د پیل خبر ورکړی او ويلي یې دي چې دا غونډه د «نویو امنیتي ګواښونو» په وړاندې د مبارزې پر کړنلارې متمرکزه ده.