سیمه

په سیمه کې د را پېښېدونکي جګړې د احتمال په اړه له را پیدا شویو اندېښنو وروسته، واشنګټن اعلان وکړ چې د دغو احتمالي جګړو د کمولو او مدیریت لپاره هر ډول سناریو ته چمتو ده.

د اردن د بهرنیو چارو وزیر ایمن صفدي په یوه ناڅاپي سفر تهران ته تللی او د ایران له ولسمشر مسعود پزشکیان سره یې لېدلي دي. امریکایي رسنیو ویلي چې ښاغلی صفدي د اسرائیل پر ضد د اقداماتو په اړه د تهران د دریځ بدلولو په موخه تهران ته تللی وو، خو پزشکیان ورته ویلي چې د "اسرائیل تېروتنه به بې ځوابه پاتې نه شي."

امریکايي خبري اژانس اکسیوس راپور ورکړی چې د امریکا د بهرنیو چارو وزیر انتوني بلینکن د G7 هېوادونو غړو سره په یوه مجازي ناسته کې ویلي، ایران او حزب الله ممکن له دوشنبې ورځې په راتلونکو ۲۴ ساعتونو کې په اسراییل خپل بریدونه پیل کړي.

نیویارک ټایمز ورځپاڼې راپور ورکړی چې د ایران د استخباراتو ادارې، ۲۴ لوړپوړي امنیتي او استخباراتي افسران د تهران په شمال کې د اسماعیل هنیه د وژنې په تړاو نیولي دي.

نيويارک ټايمز د ایران د امنيتي چارواکو په حواله راپور ورکړی چې د دغه هېواد مذهبي مشر علي خامنه اي د ایران امنیتي چارواکو ته امر کړی چې د اسماعیل هنیه د ترور په غبرګون کې په مستقیم ډول د اسرائيل حيفا او تل اویو ښارونه په نښه کړي.

د فلسطین د حماس ډلې سیاسي مشر اسماعیل هنیه او یو ساتونکی یې په تهران کې ووژل شول. د ایران پوځ سپاه پاسداران اعلان وکړ چې اسماعیل هنیه "د تهران په شمال کې په یوه ځانګړي استوګنځي کې اوسېده چې د هوا له لارې د توغندي په واسطه ووژل شو."

متحده ایالات وايي، هېڅ تمه نه لري چې د ایران د نوي ولسمشر په توګه د مسعود پزشکیان ټاکنه به د تهران په بهرنی سیاست کې د بنسټیز بدلون لامل شي او یا هم دغه هېواد د خپلو ایراني وګړو حقونو ته درناوی وکړي.

د پاکستان لومړی وزیر شهباز شريف وايي چې د ګاونډيانو خاوره د پاکستان پر ضد کاريږي او دا ورته نور د زغملو نه ده. د طرز پرس د خبر له مخې، ښاغلي شريف دغه څرګندونې د چهارشنبې په ورځ د جولای۲۴مه، د پاکستان د کابینې په غونډه کې مطرح کړې.

ډان پاکستاني ورځپاڼې راپور ورکړی چې پاکستاني پوځیانو د عمران خان په مشرۍ د تحریک انصاف ګوند دوه لوړپوړي غړي نیولي دي. د طرز پرس په راپور، دغې پاکستاني ورځپاڼې د عمران خان د وکیل په حواله نن دوشنبه د جولای پر ۲۲مه، ولیکل چې پوځيانو د عمران خان په مشرۍ د تحریک انصاف ګوند پر مرکزي دفتر چاپه وهلې او د دغه ګوند دوه مخکښ غړي یې نیولي او زندان ته یې لېږدولي دي.

تهران د چهارشنبې په ورځ اعلان وکړ چې د ډونلډ ټرمپ په وژنه کې هر ډول لاس لرل په کلکه ردوي او دا تورونه "بې اساس او مغرضانه" دي.