تازه خبرونه

امریکايي چارواکو د پاکستان یو لوړپوړي ډپلمات ته اجازه نه ده ورکړې چې لاس انجلس ته سفر وکړي او هغه یې په بېړني ډول بېرته شړلی دی. دا ډیپلوماټ احسن واګن نومېږي او په ترکمنستان کې د پاکستان سفیر دی.

په داسې حال کې چې طالبان په افغانستان کې د امنیت ادعا کوي، خو طرز پرس په ځانګړي ډول موندلي چې په ورستیو ورځو کې درې ماشومان د افغانستان په درې ولایتونو لکه بدخشان، کندز، او تخار کې په مرموز او بې رحمۍ سره وژل شوي دي.

په داسې حال کې چې د ایران مذهبي مشر، علي خامنه‌ای، له امریکا سره د هر ډول مذاکراتو مخالفت کړی، خو د دې هېواد د ولسمشر مسعود پزشکيان کابینې له واشنګټن سره د خبرو اترو لپاره شنه څراغ ښودلی او ټینګار یې کړی چې د «اټمي شفافیت» په اړه خبرې ممکنې دي.

باخبره سرچینې طرزپرس ته وایي چې طالبان او پاکستان د ترینګلتیاوو کمولو او د تورخم دروازې د بیا پرانېستلو په اړه هوکړې ته رسېدلي دي. دا هوکړه له هغه وروسته شوې چې له تېرو دوو اوونیو راهیسې د تورخم دروازه تړلې ده او کله ناکله د دواړو لوریو ترمنځ اخ و ډب هم رامنځته کیږي.

د افغانستان د فوټسال ملي لوبډلې د سلسائو د منځ‌نی قاره‌يي جام په سیالیو کې د ایران پر وړاندې له ۴-۳ ماتې سره مخ شوه. په دې سیالۍ کې چې دواړو لوبډلو ته ډېره سخته او په زړه پورې وه، اکبر کاظمي دوه ګولونه ووهل او حسین محمدي هم یو ګول وکړ، خو په پای کې ایران د یو ګول په توپیر بریا خپله کړه.

دمشق – د سوریې ولسمشر احمد الشرع د پخواني رژیم پاتې شونو ته په خطاب کې ویلي چې په سوریه کې د واک او خلکو ترمنځ هیڅ توپیر نشته او هغوی باید ژر تر ژره خپلې وسلې وسپاري، مخکې له دې چې ناوخته شي.

په خیبرپښتونخوا کې د وسله والو له مرګوني برید چې په ترڅ کې یې ۱۸ کسان ووژل شول؛ اوس د پاکستان د پوځ مشر جنرال عاصم منیر وايي چې وسله والو په افغانستان کې له بهرنیانو څخه پاتې شويو وسلوو څخه ګټه اخېسته.

په داسې حال کې چې له افغانستان څخه باخبرو سرچینو طرز پرس ته ويلي چې د طالبانو د کورنیو چارو وزیر سراج الدین حقاني لاهم په دوبۍ کې اوسيږي او افغانستان ته یې د بیا راستنېدو په اړه راپورونه ناسم دي؛ خو د طالبانو ویاند ذبیح الله مجاهد د افغانستان کورنيو رسنيو ته ویلي چې حقاني افغانستان ته راستون شوی او اوسمهال په «استراحت» کې دی.

د کابل هوايي ډګر د مرګوني ځان وژونکي برید د اصلي عامل د نیولو په اړه د امریکا د متحده ایالاتو د ولسمشر ډونالډ ټرمپ له اعلان وروسته، د پاکستان لومړي وزیر شهباز شریف د دې عملیاتو د ترسره کولو په برخه کې د خپل هېواد د همکارۍ یادونه وکړه او ټینګار یې وکړ، چې اصلي تورن د پاکستان په مرسته نیول شوی