نړۍ

د روسیې ولسمشر ولادیمیر پوتین د امریکا د منتخب ولسمشر ډونالډ ټرمپ د وروستیو څرګندونو په غبرګون کې ټینګار کړی چې مسکو هېڅکله له واشنګټن سره د اړیکو پرېکون نه دی کړی او له ټرمپ سره د همکارۍ هرکلی کوي.

د امریکا ولسمشر دونالد ټرمپ، خپل لوړپوړی او زیرک ساتونکی، شان کوران، د امریکا د پټو خدماتو د ادارې د نوي مشر په توګه معرفي کړی دی. کوران، چې ۲۳ کلنه تجربه لري، د ټرمپ په امنیتي سرویس کې یو مهم کس وو او په پنسیلوانیا کې پر ټرمپ د ناکام ترور په مخنیوي کې یې هم ښه نقش لوبولی دی.

د امریکا د متحده ایالاتو ولسمشر، ډونالډ ټرمپ، د روسیې ولسمشر ولادیمیر پوتین ته خبرداری ورکړی چې که د اوکراین «بې‌معنی» جګړه پای ته ونه رسوي، روسیه باید لا سختو بندیزونو ته تیار شي.

د راپورونو له مخې، په تېرو څلورو میاشتو کې لږ تر لږه د شمالي کوریايي زر سرتېري د روسیې په خاوره کې د اوکرایني ځواکونو سره په جګړه کې وژل شوي دي. لوېدیځ چارواکي وایي چې له تېر اکتوبر میاشتې راهیسې، دغه ځواکونه د روسیې د کورسک په سیمه کې د اوکرایني ځواکونو پر وړاندې جګړه کوي، چې په ترڅ کې یې لږ تر لږه زر کسان خپل ژوند له لاسه ورکړی دی.

ډونالډ ټرمپ د امریکا په کانګرس کې د لوړې مراسم په ترسره کولو سره په رسمي ډول خپل د ولسمشرۍ دویمه دوره پیل کړه. دا مراسم، چې د واشنګټن د سختې یخنۍ له امله په تړلي ځای کې ترسره شول، د کانګرس د مشرانو، د ایلان ماسک په څېر د مشهور شخصیتونو، د لویو ټکنالوژۍ شرکتونو د مدیرانو او د امریکا د پخوانیو ولسمشرانو او د هغوی د میرمنو په حضور کې ترسره شول.

د امریکا په لوس انجلس کې وروستۍ وژونکې اور اخیستنې چې د ۱۲ زرو څخه زیات ودانۍ یې سوځولي او لږ تر لږه ۲۴ کسان یې وژلي دي، د نړیوالو پام یې ځانته اړولی دی.

د متحده ایالاتو ولسمشر، جوبایډن له روسیې سره د ایران نږدې اړیکو ته اشاره کړې او ویلي چې د «استبدادي حکومتونو» نږدې کېدل د هغوی د کمزورۍ نښې دي. نوموړي د اکتوبر په اوومه نېټه د حماس بریدونو یادونه وکړه او ویې ویل: «ایران ته وګورئ؛ ایا فکر مو کاوه چې اسلامي جمهوریت به دې وضعیت ته ورسیږي؟»

رویټرز خبر ورکړی چې نن د سې شنبې په ورځ د جنوبي کوریا ولسمشر یون سوک یول، محاکمه پیل شوې ده. خو تمه نه کیږي چې هغه به د خپلې محاکمې لپاره حاضر شي. د جنوبي کوریا د اساسي قانون له مخې، د محاکمې راتلونکې غونډه د همدې اونۍ د پنجشنبې په ورځ پلان شوې ده.

د اف‌بي‌آی مشر، کريستوفر، ويلي، د چين حکومت د امریکا په بنسټیزو زیربناوو کې داسې ویجاړوونکي تجهيزات نصب کړي چې په هدفمند ډول پلان شوي دي. نوموړي له سي‌بي‌اس خبري شبکې سره په يوه مرکه کې وويل چې دغه تجهيزات کولای شي د چين په خوښه په ټاکلي وخت او په ټاکلي ځای کې جدي ګډوډي رامنځته کړي.

د کاناډا د بهرنیو چارو وزیرې ملاني جولي د امریکا د منتخب ولسمشر دونالډ ټرمپ څرګندونو ته په غبرګون کې ویلي چې د ښاغلي ټرمپ وروستي څرګندونې د کاناډا له ځواک او قدرت څخه د هغه ناخبري ښیي.