تازه خبرونه

پاکستاني پوځیانو د یوې ځانګړې عملیات په ترڅ کې نږدې ۲۰۰ افغان وګړي د تورخم له سیمې څخه نیولي او له ځان سره یې وړي دي. طرزپرس – باخبره سرچینې نن «شنبه، د زمري ۲۷مه» طرزپرس ته ویلي چې نیول شوي کسان د تورخم سیمه ییز اوسېدونکي دي چې له څو کلونو راهیسې په دې سیمه کې ژوند کوي.

د طالبانو د صنعت او سوداګرۍ وزارت اعلان کړی چې د افغانستان او ازبکستان ترمنځ د سوداګرۍ د پراختیا په موخه پنځه سوداګریزې هوکړې لاسلیک شوې دي.

په قطر کې د طالبانو د سیاسي دفتر رییس سهیل شاهین، ویلي چې طالبان د روسیې له دولت سره د ښو اړیکو د ټینګولو په هڅه کې دي او دا کار په تېر حکومت کې ناممکن و.

د طالبانو د کار او ټولنیزو چارو وزارت د افغانستان د خپلواکۍ د ۱۰۵مې کلیزې په مناسبت سبا د یک شنبې ورځ عمومي رخصتي اعلان کړه. طرز پرس- د یاد وزارت لخوا په یوه خپره شوې خبرپاڼه کې راغلي چې سبا یکشنبه د زمري ۲۸مه له برټانیې څخه د افغانستان د خپلواکۍ په مناسبت عمومي رخصتي ده.

د نړۍ د خوړو پروګرام (WFP) وايي چې د بریتانیا حکومت له افغانستان سره تر ۵۰ میلیونه ډالرو زیاته مرسته کړې ده. طرزپرس: دې سازمان د پنجشنبې په ورځ، د زمري ۲۵مه، په یوه خبرپاڼه کې ویلي چې دغه مرستې به په افغانستان کې ۱.۵ میلیونه اړمنو کسانو ته ورسيږي.

د طالبانو د دفاع وزیر د اسلام آباد او کابل تر منځ د سیاسي کړکېچونو په اوج کې د دیورند کرښې په اوږدو کې له یوې امنیتي پوستې څخه لیدنه کړې ده.

په اسلام اباد کې تبعید شوې افغانې ښځې له نړیوالې ټولنې غواړي چې د دوی پر انساني او بشري حقونو د طالبانو لخوا د «ظالمانه» بریدونو مخه ونیسي.

د ایران رسنیو خبر ورکړی چې یو ایراني سرتېری په زاهدان کې له «وسله والو شرخوښو» سره په جګړه کې وژل شوی او ویلي یې دي چې دا نښته د زاهدان په قلعه بید پوسته کې رامنځته شوې ده.

په جلاوطنۍ کې د افغان خبریالانو بنسټ په یوه راپور کې ویلي، چې په افغانستان کې د طالبانو درې کلن واکمنۍ په لړ کې، لږ تر لږه ۳۰۹ افغان خبریالان زنداني شوي، چې ۶۹ یې د تل لپاره په زندانونو کې ساتل شوي دي.

په تعليمي او فرهنګي چاروکې د ملګرو ملتونو دفتر «یونسکو» وايي چې د طالبانو په درې کلنه واکمنۍ کې لږ تر لږه یو اعشاریه ۴ میلیونه نجونې په قصدي ډول له زده کړو محرومې شوې دي.