تازه خبرونه

په کابل کې د ایران سفارت وايي چې دغه هېواد په دایکندي ولایت کې د پروني مرګوني پېښې عاملینو ته د سزا ورکولو په برخه کې خپل چمتووالی اعلانوي.

داعش ډلې د یوې اعلامیې په خپرولو سره ومنله چې د دایکندي ولایت پر اوسېدونکو د نن ورځې مرګوني بريد تر شا د دوی لاس وو.  طرز پرس: دا خبرپاڼه د پنجشنبې ورځ ناوخته، د وږي ۲۲مه، د اعماق په ویب‌پاڼه کې خپره شوې او په کې ویل شوي چې د دې ډلې ځواکونو «۱۵ تنه شیعه‌ وګړي وژلي او شپږ تنه نور یې ټپیان کړي دي.»

ځايي سرچینو طرز پرس ته تایید کړې ده چې په دایکنډي کې د نامعلومو وسله والو کسانو په برید کې، ۱۴ کسان وژل شوي او څلور نور ټپیان دي. طرز پرس: دا خونړۍ برید نن پنج‌شنبه، د وږي ۲۲مه، د غرمې شاوخوا یوه بجه د دایکنډي او غور ولایتونو ترمنځ د «قریو دال» په کوټل سیمه کې ترسره شوی دی.

ذبیح‌الله مجاهد ادعا کړې چې د طالبانو حکومت په بشپړ ډول ټول‌ګډونه دی او په اوسني جوړښت کې د ټولو قومونو په ګډون هزاره، بلوڅ، ترکمن، ازبک، تاجک، پښتون، نورستاني او نور قومونه شتون لري.

د کام ایر والیبال لوبډلې چې د افغانستان استازیتوب کوي، د آسیا د والیبال جام سیالیو کې د عراق د ګاز جنوب لوبډلې ته په ۳-۰ ماتې ورکړه. طرز پرس - دغه سیالۍ نن ماښام "سه‌شنبه - د وږي ۲۰مه" د ایران په یزد ښار کې ترسره شوې، چې د افغانستان د لوبډلې خوږې بریا او د عراق د لوبډلې درنه ماتې سره پای ته ورسېده.

د کانونو او پټرولیم وزارت چارواکي وايي چې سبا "چهارشنبه - د وږي ۲۱مه" د تاپي پروژې کار به د طالبان او ترکمنستان د لوړ پوړو چارواکو په حضور کې په هرات ولایت کې پرانستل شي. طرز پرس - د طالبانو د کانونو او پټرولیم وزارت ویاند، همایون افغان وايي چې د تاپي پروژې د پیل لپاره ټول چمتووالی نیول شوی دی، او د دې پروژې د عملي کار له پیل سره به زرګونو کسانو ته د کار زمینه برابره شي.

د ایران د کورنیو چارو وزیر اسکندر مومنی، د دغه هېواد وضعیت له زغم وتلې بللې او له افغان کډوالو یې غوښتي چې ولاړ شي او خپل هېواد دې جوړ کړي. طرز پرس - اسکندر مومني دغه څرګندونې په تهران کې یو تلویزیوني خپرونې ته په ویناکې کړې او ویلي یې دي چې اوسنی وضعیت نور د ایران لپاره د زغملو وړ نه دی.

د طالبانو د برېښنا وزارت سلاکار فاروق اعظم د دغې ډلې د رهبرۍ لخوا د ښځو پر وړاندې د اعمال شويو بندیزونو په غبرګون کې وايي چې سل کاله هم تېر شي، طالبان به په رسمیت ونه پېژندل شي. 

له بریتانیا څخه یوه معتبره سرچینه طرز پرس ته تاییدوي چې د افغانستان د سفارت ودانۍ به په نږدې وخت کې طالبانو ته وسپارل شي. طرز پرس - د بریتانیا په سفارت کې د یوې سرچینې د معلوماتو له مخې، دا اقدام د کوربه هېواد او طالبانو تر منځ د تفاهم پر اساس ترسره کېږي.

د خوست ولایت په ځاځي میدان ولسوالۍ کې د ډېورند فرضي کرښې ته څېرمه د طالبانو او پاکستاني پوله ساتو ځواکونو ترمنځ په تېره یوه اونۍ کې درې ځله نښتې شوي، مرګ‌ژوبله هم لري او لسګونه کورونه اړ شوي چې خپلې سېمې پریږدي.