افغانستان

طالبانو د جمهوري نظام د ډپلماټیکو استازوليو لخوا په یو شمېر هېوادونو کې قونسلي خدمات بې اعتباره اعلان کړل او وویل چې دوی د دې حقوقي اسنادو پر وړاندې هېڅ راز مسوولیت نه لري.

د افغانستان د مخکیني ولسمشر محمد اشرف غني لومړی مرستیال امرالله صالح په ایران کې له افغان کډوالو سره د سپکاوي او بد چلند په غبرګون کې ویلي چې جرم شخصي عمل دی او باید عموم او بې ګناه وګړو پر وړاندې د بد نظر لامیل نه شي.

د طالبانو د صنعت او سوداګرۍ وزارت اعلان کړی چې یو چینایي سوداګر غواړي په افغانستان کې د ۴۰ میلیونه ډالرو په ارزښت د لمریزې برېښنا د تولید یوه فابریکه جوړه کړي.

د افغانستان پخواني جمهور رئیس حامد کرزي د پاریس د المپیک لوبو د پرانستې مراسم کې د افغانستان د ملي بیرغ د رپولو هرکلی وکړ او وویل چې دا ډېر د ویاړ ځای دی.

د امریکا د کانګرس بشري حقونو کمیسیون څانګې ویلي چې د ۲۰۲۱ کال له اګست میاشتې راهیسې د طالبانو په واکمنۍ کې د افغان ښځو وضعیت د پام وړ خراب شوی او ټاکل شوې چې دغه کمیسیون د افغان ښځو د وضعیت او د طـ-البانو د « غیر انساني » بنديزونو د لرې کولو په هدف یوه غونډه جوړه کړي.

په ایران کې له افغان کډوالو سره له تاوتریخوالي ډک چلند د انځورونو له خپرېدو وروسته د بشري حقونو سازمانونه او د بشري حقونو ملاتړي بنسټونه پراخ غبرګون وښود او وویل چې له افغانانو سره سپکاوي او ناوړه چلند باید ژر پای ته ورسيږي.

د طالبانو د کورنیو چارو وزیر سراج الدین حقاني په دولتي اداروکې د پخواني حکومت کارکوونکو پر ګوښه کېدو اندېښنه څرګندوي او وايي چې نیمګړتیاوو ته ګوته نیول او د پخوانیو مامورینو ګوښه کول د طالبانو ضعف او کمزورتیا په ډاګه کوي.

د طالبانو د بهرنیو چارو وزارت مطبوعاتي دفتر وايي چې اميرخان متقي د حماس د سیاسي دفتر له مشر اسماعیل هنیې سره د غزې په اړه ټلفني خبرې کړي دي.

د فرانسې ولسمشر امانوئل مکرون ومنله چې افغانې مېرمنې د امریکا د وتلو له پرېکړې تر ټولو ډېر زیانمنې شوې او هره ورځ دا لوړ قیمت پرې کوي.

د افغانستان پر وړاندې د نړیوالې ټولنې نسبتا سختو سیاستونو په پایله کې، داسې ښکاري چې طالبان هم له دې پروسې ستړي شوي او له نړیوالې ټولنې غواړي چې د افغانستان په وړاندې "مسؤولانه" چلند وکړي.