افغانستان

له ننګرهار څخه ځايي سرچینې طرز پرس ته وایي چې پنځه کوچني ماشومان چې د یوې مدرسې زده کوونکي وو له خپل مدرس سره یو ځای په چاودنه کې وژل شوي دي.

د اروپايي ټولنې استازې په کابل کې د طالبانو له چارواکو سره په لیدنه کې ویلي دي چې دوی به د دوحې درېیمې ناستې د ژمنو عملي کولو په برخه کې هڅې وکړي.

د ملګرو ملتونو ځانګړی راپور ورکوونکی ریچارد بنت، د طالبانو وروستی اقدام چې افغانستان ته یې پر سفر بندیز لګولی، ویلي چې دا د طالبانو یو ګام "شاتګ" دی او خبرداری یې ورکړی چې دا اقدام به د طالبانو او ملګرو ملتونو او نړیوالې ټولنې ترمنځ د تعامل په اړه د اندېښنې وړ پیغامونه ولري.

طالبانو د امربالمعروف او نهی عن‌المنکر قانون نافذ کړی او په دغه قانون کې د ښځې د «ټول بدن پوښښ لازمي او مخ پټول په کې» ضروري ویل شوي دي.

ایراني رسنیو د دې هیواد د چارواکو په حواله راپور ورکړی چې ایران او طالبان د مخدره موادو پر وړاندې د مبارزې او په ځانګړي ډول د معتادینو د درملنې په برخه کې هوکړې ته رسیدلي دي.

طالبانو ریچارد بېنېت، چې د ملګرو ملتونو د بشري حقونو شورا ځانګړی راپور ورکوونکی دی، کابل ته له راتګ څخه منع کړی او ویلي یې دي چې هغه د افغانستان په اړه ناسم راپورونه وړاندې کړي دي.

د فلیپین حکومت اعلان کړی چې د امريکا ویزې متقاضي افغان پناه‌غوښتونکي په عاجل ډول مني او د امریکا متحده ایالات لخوا د دوی د استوګنې، امنیت، طبي خدماتو او ترانسپورت اړوند لګښتونه ورکول کيږي.

طالبان په افغانستان کې د پاکستان د ځانګړي استازي آصف دراني امنیتي اندېښنې رد کړي او ټيڼګار یې کړی چې په حقیقت کې د پاکستان له خاورې د سیمې او نړۍ امنیت ته خطر پېښېدلی شي.

د افغانستان لپاره د پاکستان ځانګړي استازي اصف دراني ويلي چې د افغانو نجونو د زده کړو په برخه کې د طالبانو فرمانونه له اسلامي اصولو سره مطابقت نه لري.

د طالبانو د دفاع وزیر ملا محمد یعقوب مجاهد له ګاونډیو هېوادونو غوښتي چې د ډیورنډ فرضي کرښې په اوږدو کې ستونزې جوړې نه کړي. طرز پرس: ملا یعقوب دغه څرګندونې نن یکشنبه د افغانستان د استقلال د بیرته اخیستلو ۱۰۵مې کلیزې په مناسبت په کابل کې یوې جوړې شوې غونډې ته وکړې.