د شپږیزه کرېکټ لیګ په ننني لوبه کې د بند امیر ښاماران لوبډلې و توانېدل چې خپلې سیالې مېسعینک اتلانو ته د ۴۲ منډو په توپیر ماتې ورکړي.
طرز پرس: د شپږیزه کرېکټ لیګ نهم پړوا سیالۍ ۱۵مه لوبه نن «سهشنبه د زمري ۳۰مه» په کابل کې وشوه چې ټاس د بند امیر ښاماران لوبډلې وګاټه او د توپوهنې چانس یې خپل کړ.
بند امیر ښاماران لوبډلې د خپلو څلور لوبغاړو په سوځېدو سره ۱۳۹ منډې جوړې کړې او خپلې سیالې مېس عینک لوبډلې ته یې ۱۴۰ منډې هدف وټاکه. په ترتیب لوبډلمشر حشمتالله شاهدي ۵۱، صدیق اتل ۳۰، ریاض حسن ۱۰ او صدیق پاچا ۲۴ منډې جوړې کړې او په همدومره منډو وتوانېدل چې بریا خپله کړي. بل پلو د مېسعینک اتلان لوبډلې د ټاکل شوي هدف په پوره کولو کې پاتې راغلل. په دغه لوبډله کې په ترتېب رحمنالله ځدراڼ ۳۲، ناصر جمال ۲۲، محمدنبي ۱۸ او د نوید عبید ۹ او په مجموع کې ۹۷ منډې جوړې کړې او د ۴۲ منډو په توپیر سره یې لوبه و بایلله.
