د یورو جام په لړ کې دوه مخکښ ټیمونه انګلستان او نیډرلنډ وتوانېدل نیمه پایلوبې ته ځان وباسي.
د یورو جام د کوارټر فاینل په لړکې انګلستان او سویس تېره شپه د جولای په ۶مه نېټه لوبه وکړه، چې انګلستان و توانېد د پينالټي په غبرګو شوټونو سویس مات کړي.
په یاده سیالۍ کې لومړی ګوزار سویس وکړ او په ۷۵یمې دقیقې کې یې د انګلستان دروازه خلاصه کړه؛ خو پنځه دقیقې وروسته په ۸۰یمه دقیقه کې انګلستان خپل غچ واخیست او د مساوي ګول یې ترسره کړ. یاده سیالۍ تر پایه شېبو پورې په مساوي ډول روانه وه؛ خو په وروستي ۹۰یمې دقیقې کې انګلستان د پینالټي شوټونو پر مټ لوبه ۵ـ۳ وګټله.
په همدې حال کې بله لوبه د ترکیې او نیدرلینډ یا هالند ترمنځ ترسره شوه چې دا بیا ۲ـ۱ نیدرلینډ وګټله او له دې سره نېدرلنډ او انګلستان نیمه پایلوبې ته ووتل. ټاکل شوې د یورو جام پایلوبه د جولای په ۱۴مه نېټه د جرمني په مرکز برلین ښار کې ترسره شي.
