د پسرلي جشن «نوروز»، سږ کال هم په ګڼو هیوادونو کې په خوښۍ سره لمانځل کیږي. په ترکیه کې د کردستان آغري ښار مرکز کې زرګونه کسان راټول شول او دا ورځ یې د موسیقۍ، سیمه ييزو نڅاګانو او کوردي دودیزو جامو سره ونمانځله. ښځو او ځوانانو له رنګینو فرهنګي جامو سره دې جشن ته ځانګړی ښکلا ورکړه او ښار ته یې د ژوند او خوښۍ تازه ساه وبښله.
په ایران، تاجیکستان، ازبکستان او نورو هیوادونو کې هم خلک له دودیزو مراسمو او جشنونو سره نوي کال ته ښه راغلاست وویل. په ایران کې، «سوري چهارشنبه او هفتمېوه» لا هم د نوروزي جشنونو مهمه برخه ده.
په افغانستان کې هم پخوا نوروز د ملي جشن په توګه لمانځل کیده او خلک په بیلابیلو ښارونو، په ځانګړي ډول مزارشریف کې، دا ورځ د ځانګړو مراسمو په ترڅ کې لمانځله، خو اوس وضعیت بدل شوی دی. د طالبانو له واکمنۍ وروسته، د نوروز پر جشن بندیز ولګید او دغه ورځ نور د هېواد په ملي تقویم کې ځای نه لري.
د طالبانو د واکمنۍ له پیل راهیسې، دغه ډله په افغانستان کې پر ګڼو کلتوري او ټولنیزو مراسمو بندیز لګولی او ادعا کوي چې د نوروز جشن لمانځل له شریعت څخه د دوی د روایت خلاف دی.
