د حزب اسلامي مشر ګلبدین حکمتیار د طالبانو تر کنټرول لاندې د افغانستان پر اوسني وضعیت اندیښنه څرګنده کړې او د هېواد راتلونکی یې «تیاره» بللې ده. هغه ویلي چې افغانستان په «سمه لاره» نه ده روان او خلک د خپل راتلونکو ورځو په اړه بېخبر او اندیښمن دي.
ښاغلي حکمتیار دغه څرګندونې تازه په یوه ویدیويي پیغام کې کړي دي او دا بیانیه نن د دوشنبې په ورځ د حزب اسلامي اړوند رسنیو له لوري خپرې شوې دي. هغه په دې بیانیه کې ویلي چې په اوسني وضعیت کې ټول «چمتو حالت» کې دي او د جګړو ګواښ زیات شوی دی. د ښاغلي حکمتیار په وینا: هره ورځ د هېواد په مختلفو برخو کې بریدونه روان دي او خلک د خپل ژوند د خوندي کولو لپاره له هېواد څخه تیښته کوي.
حکمتیار په دې بیانیه کې ټینګار وکړ چې افغانستان یوه «قانوني حکومت» ته اړتيا لري چې د خلکو مسوولیتونه روښانه کړي. هغه وویل: «موږ اوس داسې یوه اساسي قانون نه لرو، او دا تشه باید ډکه شي.»
حکمتیار له موجوده ګواښونو او ستونزو سره سره د یو منظم او باثباته حکومت پر اړتیا ټینګار وکړ چې د خلکو د اندیښنو حل کولو وړتیا ولري. هغه زیاته کړه: «افغانستان پرته له قوي قانوني بنسټونو د پرمختګ او ثبات لپاره هیڅ شانس نه لري.»
د حزب اسلامي مشر همدارنګه د افغانستان د خلکو په اړه اندیښنه څرګنده کړه چې د ټولنې او اقتصاد له سختو ستونزو سره مخ دي. هغه وویل چې د بدلون لپاره بنسټیز اصلاحات اړین دي او د هېواد د پرمختګ او ثبات لپاره اساسي بنسټونه رامنځته باید رامنځته شي.
دغه څرګندونې په داسې مهال کیږي چې طالبان په ۲۰۲۱ کال کې واک ته ورسېدل او درې کاله وروسته لاهم نه دي توانېدلي چې په افغانستان کې امنیت ټینګ کړي.
