د کرکټ نړیوالې شورا (ICC) اعلان کړی چې د افغانستان د کرکټ ملي لوبډلې یو ستوری عظمتالله عمرزی، د ۲۰۲۴ کال لپاره د یوې ورځېنیو سیالیو غوره لوبغاړی ټاکل شوی دی.
آی سي سي په خپله اعلامیه کې ویلي، عمرزي په تېرو نړیوالو سیالیو کې د خپلو حیرانوونکو لوبو له لارې توانېدلی چې ځان د نړۍ په کچه د یوې ورځېنیو لوبو کې یو له غورو لوبغاړو څخه ځان ثابت کړي. عظمتالله عمرزی، چې د افغانستان د ملي لوبډلې تازهکار غړی دی، په وروستیو سیالیو کې خپل بېساري استعداد او وړتیاوې په ډاګه کړې دي. هغه د خپلې توپوهنې او توپاچونې ځانګړو مهارتونو په مرسته د ملي لوبډلې په بریاوو کې مهمه ونډه اخیستې ده.
د کرکټ مینهوال دغه ټاکنه د افغانستان د کرکټ لپاره یو ستر ویاړ بولي او باور لري چې دا په نړیوال ډګر کې د افغانستان د کرکټ ملي لوبډلې د پرمختګ څرګندونه کوي. د یادونې وړ ده چې عظمتالله عمرزی له دې بریاوو سره، نه یوازې د افغانستان د کرکټ په تاریخ کې خپل نوم ثبت کړ، بلکه د هېواد کرکټ یې هم په نړیواله کچه لوړ کړی دی.
