تازه خبرونه

په ننګرهار کې سیمه ییزو سرچینو خبر ورکړی، چې په دغه ولایت کې د طوفان او سختو بارانونو له امله ۳۵ تنه وژل شوي او ۲۳۰ نور ټپیان دي.

په یوه شپه کې او د څو ساعتونو په توپیر سره د فوټبال د نړۍ په دوو قطبونوکې دوه فاینل لوبې ترسره شول، چې هسپانیا د انګلستان په ماتې د اروپا اتلولي خپله کړه او ارجنټاین کولمبیا ته په ماتې ورکولو سره د امریکا کوپا اتلولي وګټله.

د امریکا د متحدو ایالتونو ولسمشر جوبایډن د امریکا ولس ته په خپلو تازه څرګندونو کې ویلي چې اختلافات باید د رای صندوق له لارې حل شی، نه د ګولیو له لارې.

د طالبانو مشر ملاهبت الله اخندزاده دستور ورکړی چې طالب چارواکي دې له دولتي تاسیساتو په ځانګړې توګه له دولتي ودانیو شخصي ګټه نه پورته کوي.

د بدخشان په مرکز فیض اباد ښار کې یوه ۱۹ کلنه بدخشانۍ نجلۍ د خپلې پنځه کلنې خورییې د ژغورلو په هڅه کې د کوکچې په سمندر کې ډوبه شوې او ساه یې ورکړې ده.

سیمه ییزې سرچینې وايي، چې په فاریاب ولایت کې یو سړي په بې رحمانه ډول خپل د زوم سر غوڅ کړی او وژلی یې دی. د طرز پرس د خبر له مخې، دغه شل کلن هلک محمد نوميږي او خسر یې هغه مهال ورته سر غوڅ کړی چې دی خپل د کار ځای کې وېده وو.

د طرز پرس د راپور پر بنسټ، د افغانستان د فوتبال ملي لوبډلې نن ماښام د سرطان ۲۱مه، د ترکمنستان پر وړاندې لوبه وکړه. په قانوني دقیقوکې لوبه مساوي پر مخ روانه وه خو وروسته په اضافي وخت کې د افغانستان لوبډلې د پنالټي په شوټ وتوانېد چې ترکمنستان ته د ۹-۸ په توپیر ماتې ورکړي او په دې سیالیو کې پنځم مقام ته ځان ورسوي.

په افغانستان کې د ملګرو ملتونو مرستندویه ماموریت یا یوناما ویلي چې د طالبانو امر باالمعروف او نهی عنی المنکر وزارت په رسنیو کې پر ښځو لا زیات محدودیتونه وضع کړي دي.

د طرز پرس د خبر له مخې، دغې کمېټې د جولای په نهمه یوه خبرپاڼه کې چې له نیویارکه خپره شوې، ویلي چې د طالبانو استخبارات باید ژر تر ژره او له کوم شرط پرته پر دغې راډيو لګول شوی بندیز لرې کړي.