سیمه

پاکستاني رسنیو راپور ورکړی چې د پاکستان څلور پولیس افسران د خیبر پښتونخوا ایالت د لکي مروت په سیمه کې د ناڅرګندو وسلوالو له لوري تښتول شوي دي. د راپورونو له مخې، درې پولیس افسران د پولیسو له یوه مرکز څخه او یو بل یې له خپل کور څخه تښتول شوي دي.

پاکستانۍ ورځپاڼې ډان په یوه راپور کې ویلي چې ۲۰۲۴ کال د وسله‌والو بریدونو د زیاتوالي له امله، د پاکستان د امنیتي ځواکونو لپاره په تېرو لسو کلونو کې تر ټولو خونړی کال و.

د پاکستان دوه پولیس افسران د سند ایالت په یوه رستورانت کې وژل شوي دي. پاکستاني چارواکي ویلي، یاد افسران د خوراک په حال کې وو چې بریدګرو لخوا وژل شوي دي.

د موساد رئیس دیوید بارنیا، د حوثیانو لخوا په اسرائیل د وروستیو توغندیزو بریدونو په غبرګون کې ویلي، چې پر یمن د تمرکز پر ځای باید په مستقیم ډول ایران هدف وګرځول شي.

تحریک طالبان پاکستان په خیبر پښتونخوا ایالت کې د پاکستان د پوځ پر یوې امنیتي پوستې د خونړي چاودنې پړه منلې او ادعا یې کړې چې په دې برید کې، ۳۵ پاکستاني پوځیان وژل شوي او ۱۵ نور ټپیان دي. د پاکستان حکومت هم پر خپلو پوځيانو دا برید منلی او لږ تر لږه د ۱۶ پاکستاني پوځيانو د وژل کېدو پخلی کړی دی. 

وال سټریټ ژورنال ورځپاڼې د باوري سرچینو په حواله راپور ورکړی چې د امریکا د منتخب ولسمشر ډونالډ ټرمپ ټیم، په جدي ډول هغه امکانات ارزوي چې له مخې یې اټومي وسلو ته د ایران د رسېدو مخه ونیول شي. د راپور پر بنسټ، دغو ارزونو کې پر ایران «د امریکا د هوایي بریدونو» احتمال هم شامل دی.

اسراییل ټایمز ورځپاڼې د دې هېواد د امنیتي سرچینو په حواله راپور ورکړی چې د اسراییل هوايي ځواک د ایران پر اټومي تاسیساتو د احتمالي برید لپاره چمتووالی نیسي.

د خیبر پښتونخوا اړوند پاراچنار سیمه کې د بېګاه شپې نښتې له کبله لږ تر لږه ۱۸ کسان وژل شوي او ۳۳ نور ټپیان دي. د پاکستان امنیتي مسوولین وايي چې دا جګړه د «فرقو» ترمنځ د شیعه وګړو پر یو کاروان له خونړي برید وروسته پیل شوې ده.

پاکستان - طرز پرس: د پاکستان پوځ اعلان وکړ چې په جنوبي وزیرستان کې له تحریک طالبان پاکستان سره په جګړه کې، څلور پاکستاني پوځیان وژل شوي دي. 

واشنګټن «طرز پرس» - تر هغه وروسته چې پنټاګون ایران ته مستقیم خبرداری ورکړ چې له نظامي تحرکاتو لاس واخلي، د امریکا مرکزي قومندانۍ «سنتکام» اعلان وکړ چې څو بي-52 بم غورځونکي الوتکې یې منځني ختیځ ته رسېدلې دي.