افغانستان

د طرز پرس د خبر له مخې، انټوني بلېنکن د جولای په نهمه، یوې خبري غونډې ته وویل چې په افغانستان کې ښځې او نجونې چوپه خوله نه دي او د خپلو حقونو لپاره مبارزه کوي.

په بدخشان کې د طالبانو  د امنیه قومندانۍ ویاند احسان الله کامګار سه شنبه د چنګاښ پر ۱۹مه، وویل چې دغه ښځه د فیض اباد ښار د« ده پایان چته» سیمې اوسیدونکي وه او پرون یې د موږکانو د وژنې د درملو په خوړلو سره ځان‌‌وژنه کړې ده.

د طالبانو د صنعت او سوداګرۍ سرپرست وزیر د ازبکستان د ترانسپورت له وزیر سره په کتنه کې د دواړو هېوادونو ترمنځ د ټرانزیټي پروژو پر زیاتوالي ټینګار کړی دی.

د اسپانیا او جرمني ملي لوبډلې د ۲۰۲۴ کال د یورو په کوارټر فاینل کې له یو بل سره مخامخ شوې او په پای کې هسپانیا د ۲-۱ په پایلې سره بریا خپله کړه او کوربه هېواد جرمني له دې سیالیو بهر شو.

د طالبانو ویاند ذبیح‌الله مجاهد ویلي چې د افغانستان بانک مخکېنی سرپرست هدایت‌الله بدري د کانونو او پترولیم وزارت سرپرست په توګه او شهاب‌الدین دلاور د افغاني سرې میاشتې ټولنې رییس ټاکل شوی دی.

د طالبانو د عدلیې وزارت وایي، د کابل په پغمان ولسوالۍ کې د سردار محمد داوودخان ښارګوټی د اختصاصي محکمې د پرېکړې پر اساس دولتي ثابت شوی دی.

د اسټرالیا بهرنیو چارو وزارت وایي، خپله یوه تجربه کاره ‌ډیپلوماته، امیندا مک‌ ګریګور یې د افغانستان لپاره د ځانګړې استازې په توګه ټاکلې ده.

د طالبانو ستره محکمه وایي، په کندهار او غزني ولایتونو کې شپږو کسانو ته په عام محضر کې تعزیري سزا ورکړل شوه. دې محکمې پرون پنجشنبې په جلا بیانونو کې ویلي چې د کندهار په میوند ولسوالۍ کې پر لواطت تورنو پنځو کسانو د ۳۰ درو وهلو حکم تطبیق شو.

ننګرهار کې ځایي سرچینې وایي، چې د دې ولایت د مرکز جلال اباد ښار د اتمې ناحیې په مربوطاتو کې ځایي خلکو د سیند په اوبو کې د یو ځوان مړی موندلی دی.