د طالبانو د کډوالو وزیر خلیل الرحمن حقاني تېره ورځ په يو ځانمرګي برید کې ووژل شو او دا پېښه کورني او بهرني غبرګونونه یې راپارولي دي. له سیاسي شخصیتونو سربېره، د سیمې هېوادونو او نړیوالو بنسټونو لخوا د طالبانو د دغه چارواکي وژل کېدل په لویه کچه غندل شوې ده.
کورني غبرګونونه:
په افغانستان کې، پخواني ولسمشر، حامد کرزي او د ملي وحدت حکومت اجرائیه رئیس، ډاکټر عبدالله عبدالله، دغه برید تروریستي وباله او د «شهید» اصطلاح په کارولو سره یې د خلیل الرحمن حقاني کورنۍ ته تسلیت ووایه. دا غبرګونونه د افغانستان د سیاسي وضعیت پېچلتیا او په لویه کې د دې پېښې حساسیت څرګندوي.
د سیمې هېوادونو غبرګونونه:
د سیمې هېوادونو لکه پاکستان، ایران، او ترکیې هم دغه برید وغنده او دا یې یو تروریستي عمل وباله. د دې هېوادونو رسمي اعلامیې د افغانستان د بېثباتۍ د زیاتېدو په اړه د دوی ګډه اندېښنه څرګندوي او د دې وضعیت د احتمالي سیمهیزو اغېزو یادونه کوي.
د ملګرو ملتونو غبرګون:
په افغانستان کې د ملګرو ملتونو استازولۍ (یوناما) د خلیل الرحمن حقاني او نورو قربانیانو وژل کېدل هم غندلی دی. یوناما په یوه اعلامیه کې وویل چې «تروریزم» ثبات او سولې ته د رسېدو په لاره کې هېڅ خنډ نه شي جوړېدای. دغه نړیوال بنسټ د قربانیانو له کورنیو سره خپله خواخوږي څرګنده کړه او ټینګار یې وکړ چې د داسې بریدونو له تکرار څخه مخنیوی، ډېر اړین دی.
د اروپایي ټولنې دریځ:
اروپایي ټولنې هم په خپله اعلامیه کې چې په ټولنیزو رسنیو کې خپره شوه، دغه برید په کلکه وغنده. اروپایي ټولنې وویل چې هر ډول تاوتریخوالی مردود دی او د افغانستان د ثبات او امنیت په اهمیت یې ټینګار کړی دی.
پېښه:
د طالبانو د کډوالو وزیر خلیل الرحمن حقاني د چهارشنبې په غرمه د وزارت په داخل کې د یو پېچلي ځانمرګي برید په پایله کې ووژل شو. د داعش ډلې د دې برید مسؤلیت منلی دی.
