تازه خبرونه

د افغان نجونو زده کړو په برخه کې طالبانو لخوا د سختو اعمال شویو بندیزونو په دوام کې د دغې ډلې د لوړو زده کړو چارواکي وايي چې د نجونو زده کړو په برخه کې ان پوښتنه کول هم تر امر ثاني معطل ده.

د المان پولیس اعلان کړی چې په زولینګین کې پر یوه فسټيوال د برید عامل یو ۲۶ کلن سوریایي وګړی دی او نوموړي پر خپل جرم اعتراف کړی دی.

د افغانستان د ۱۷ کلنو ملي لوبډلې نن شپه د مرکزي آسیا په پایلوبه کې د ۰-۱ په توپیر د اوزبیکستان ملي لوبډله مات کړ او د دې سیالیو اتلولي یې وګټله.

داعش ترهګرې ډلې د آلمان په زولینګن ښار کې د پرونۍ برید مسؤلیت منلی دی. د آلمان چارواکو ویلي چې د برید په تور یې دوه کسان نیولي دي.

پنټاګون اعلان کړی چې امریکا متحده ایالات د داعش ترهګرې ډلې پر وړاندې مبارزې لپاره یو نړیوال ائتلاف لري، خو طالبان د دې ائتلاف برخه نه دي.

رویټرز په یوه راپور کې ویلي چې په سیمه کې د وروستي کړکېج له کبله، د افغانستان له فضا څخه د نړېوالو پروازونو شمېر په بېساري کچه زیات شوي او نړیوال هوايي چلند اداره د افغانستان فضا یوه خوندي لاره ارزولې ده.

د المان د بهرنیو چارو وزیرې، انالنا بربوک خپل ایراني سیال عباس عراقچي سره تلیفوني خبرې کړي دي. د آلمان د بهرنيو چارو وزارت ويلي چې په دې تلیفوني خبرو کې په منځني ختیځ کې روان کړکېجن وضعیت د بحث اصلي ټکی وو.

له ننګرهار څخه ځايي سرچینې طرز پرس ته وایي چې پنځه کوچني ماشومان چې د یوې مدرسې زده کوونکي وو له خپل مدرس سره یو ځای په چاودنه کې وژل شوي دي.

طرز پرس: د امریکا مخکیني ولسمشر او راتلونکو ولسمشریزو ټاکنو ته د جمهوري غوښتونکو مخکښ نوماند ډونالد ټرامپ، ویلي دي چې کاملا هریس او ډموکراتانو د جو بایډن پر ضد کودتا کړې او هغه یې د سیاست له صحنې لرې کړی دی.

طالبانو د امربالمعروف او نهی عن‌المنکر قانون نافذ کړی او په دغه قانون کې د ښځې د «ټول بدن پوښښ لازمي او مخ پټول په کې» ضروري ویل شوي دي.