سیمه ییزې سرچينې وايي چې په کابل ښار او پروان ولايت کې دوه جلا چاودنې شوې دي.
سرچينې چې د چاودنو شاهدان وې، طرز پرس ته وويل چې لومړۍ چاودنه نن ماښام د کابل د شپږمې امنيتي حوزې اړوند په «پل سوخته» سيمه کې شوې ده. دا سيمه د کابل له يوه ګڼه ګونې سیمې څخه ده.
تر اوسه د چاودنې ډول او احتمالي تلفاتو په اړه معلومات نشته او د طالبانو امنيتي چارواکو هم په دې اړه څه نه دي ویلي. څو شېبې مخکې، د کابل په پروان ولسوالۍ کې د بګرام هوايي ډګر د دروازې مخې ته د یوې بلې چاودنې په اړه راپورونه خپاره شوي وو.
تر اوسه، هيڅ ډلې د دې چاودنو مسئوليت پر غاړه نه دی اخيستی.
