ننګرهار کې ځایي سرچینې وایي، چې د دې ولایت د مرکز جلال اباد ښار د اتمې ناحیې په مربوطاتو کې ځایي خلکو د سیند په اوبو کې د یو ځوان مړی موندلی دی.
ځایي خلک د دغه ځوان مړی نن (پنجشنبه، ۱۴ د چنګاښ) سهار ۰۷:۰۰ بجې د بهسودو اړوند له کابل سیند راویستلی. یوه سرچېنه وایي، یاد ځوان یوه ورځ وړاندې له درونټې سیمې څخه د لامبو پر مهال سیند وړی و. ننګرهار کې له دې څو ورځې وړاندې هم طالب مسوولینو د یو ځوان جسد له سیند راویستلی و.
د هوا په ګرمېدو سره په سیندونوکې د ځوانانو د ډوبیدو پېښې زیاتې شوي چې لامل یې له اوبو سره د خلکو بې احتیاطي ښودل شوې.
