تازه خبرونه

د افغانستان د فوټسال ملي ټیم اوکراین ته لوبه وبایلله، خو لا هم راتلونکې پړاو ته د وتلو چانس لري. طرز پرس: د افغانستان د فوټسال ملي ټیم د ۲۰۲۴ فوټسال نړیوال جام سیالیو په لړ کې، نن د ۴-۱ پایلې سره اوکراین ته ماتې وخوړه.

د اروپا پارلمان د یوې پرېکړه‌لیک په صادرولو له طالبانو سره د ځینو هیوادونو لخوا د اړیکو عادي کول چې لا یې نومونه نه دي اخیستل شوي، وغندل او د دې ډلې د چارواکو پر وړاندې د نویو بندیزونو غوښتنه یې وکړه.

د افغان ښځو لپاره د متحده ایالاتو ځانګړې استازې رینا امیری وایي چې د هغې لومړیتوب پر طالبانو فشار راوړل دي، څو د افغان ښځو پر وړاندې له «مخربو» سیاستونو لاس واخلي.

د افغانستان او ارژینتاین د فوټسال ملي ټیمونه نن ماښام «چهارشنبه، د وږي ۲۸ مه » د فوټسال نړیوال جام په یوه لوبه کې سره مخامخ شول؛ خو دا لوبه د افغانستان د ۲ـ۱ ماتې سره پای ته ورسیده.

له هرات ولایت څخه ځايي سرچینې وايي چې د دې ولایت د زاول ولسوالۍ په مربوطاتو کې د یوې ترافیکي پېښې له کبله د یوې کورنۍ ۹ غړي وژل شوي دي.

اسلام‌آباد د طالبانو د قونسل استازو لخوا د پاکستان ملي سرود ته د سپکاوي پېښه په کلکه غندلې او ویلي یې دي چې د کوربه هېواد ملي سرود ته سپکاوی د ډیپلماټیکو اصولو خلاف کار دی.

د طالبانو قضايي قوه اعلان وکړ چې دوی دوه ښځې او یو سړی یې له کور څخه د تېښتې او جنسي اړیکې په تور په فاریاب ولایت کې د خلکو د سترګو په وړاندې په دورو وهلي دي.

امريکايي رسنۍ سی‌بی‌اس د اف‌بی‌آی د یو لوړپوړي چارواکي له قوله خبر ورکړی چې د دې هېواد پر پخواني ولسمشر ډونالډ ټرمپ، بریدکوونکی کس نیول شوی او پلټنې ترې روانې دي.

د فرانسې حکومت اعلان کړی چې تېره شپه اته کسان انګلستان ته د رسېدو په ناکامه هڅه کې د مانش کانال کې ډوب شوي او خپل ژوند یې له لاسه ورکړی دی. د وژل شویو هویت تراوسه نه دی څرګند، خو په ډوب شوي کښتۍ کې افغان کډوال هم موجود وو.