افغانستان

د طالبانو د کورنيو چارو وزیر سراج الدین حقاني ادعا کوي چې د بښنې له عمومی فرمان څخه سرغړونه نه ده شوې او هېڅوک هم دا ثابتولی نه شي چې طالبان دې دا فرمان نقض کړې وې.

طالبانو د ملګرو ملتونو وروستي راپور ته غبرګون ښودلی او ویلي یې دي چې په افغانستان کې د داعش د شتون او فعالیتونو په اړه اندېښنې دغو ډلو لپاره یو ډول کمپاین دی او باید ودرول شي.

د پاکستان د پوځ مشر جنرال عاصم منیر له افغان طالبانو غواړي چې د تحریک طالبان پاکستان (TTP) لپاره له پاکستان سره خپله اوږده ملګرتیا وران نه کړي.

د طالبانو یوه جګپوړي غړي انس حقاني په ایران کې له افغان کډوالو سره د ناوړه چلند په اړه غبرګون ښودلی او ویلي یې دي چې په دغه هېواد کې د کډوالو زورونه او د هغوی د انساني حقونو نقض، طالبانو ته د منلو وړ نه دي.

د طالبانو د کورنیو چارو وزارت د سیګار نوی راپور رد کړ او ویې ویل چې په افغانستان کې د تریاکو قاچاق او تجارت منع دي او هیچاته اجازه نه ورکول کیږي چې د تریاکو کر او یا تجارت وکړي.

د کډوالو او راستنېدونکو د ستونزو حل لپاره د طالبانو کمېسیون اعلان کړی چې په تېرو ۲۴ ساعتونوکې ۲۶۰ کورنۍ افغانستان ته راستانه شوي دي.

له دایکندي ولایت څخه سرچینې طرز پرس ته وايي، چې پر محمد علي صداقت وسله وال برید کې یو کس وژل شوی او د ښاغلي صداقت او د نوموړي مېرمنې په ​​ګډون درې نور ټپیان شوي دي.

د افغانستان د پخواني ولسمشر محمد اشرف غني لومړی مرستیال امرالله صالح وايي، طالبان په سیمه کې د روسیې ګټې ګواښي او په سیمه ییز جوړښت کې له طالبانو سره د خبرو لپاره د روسیې او ایران ګډې هڅې تر اوسه کومه نتیجه نه ده ورکړې.

سیګار په خپل نوي راپور کې ویلي، چې امریکا له ۲۰۲۱ کال راهیسې د افغانستان او د دې هېواد د کډوالو لپاره ۲۰ میلیارده او ۷۱۰ میلیونه ډالره مرسته کړې ده.

که څه هم طالبان د مخدره توکو د قاچاقو مخنیوی یوه لویه لاسته راوړنه بولي او تل یې دا موضوع نړیوالو ته هم رسولې، خو سیګار بیا بل روایت لري او وايي چې په افغانستان کې د مخدره توکو د قاچاق په برخه کې د طالبانو فرامین یوازې پرکاغذ پلي شوي دي.