افغانستان

د نړۍ د خوړو پروګرام (WFP) وايي چې د بریتانیا حکومت له افغانستان سره تر ۵۰ میلیونه ډالرو زیاته مرسته کړې ده. طرزپرس: دې سازمان د پنجشنبې په ورځ، د زمري ۲۵مه، په یوه خبرپاڼه کې ویلي چې دغه مرستې به په افغانستان کې ۱.۵ میلیونه اړمنو کسانو ته ورسيږي.

د طالبانو د دفاع وزیر د اسلام آباد او کابل تر منځ د سیاسي کړکېچونو په اوج کې د دیورند کرښې په اوږدو کې له یوې امنیتي پوستې څخه لیدنه کړې ده.

په جلاوطنۍ کې د افغان خبریالانو بنسټ په یوه راپور کې ویلي، چې په افغانستان کې د طالبانو درې کلن واکمنۍ په لړ کې، لږ تر لږه ۳۰۹ افغان خبریالان زنداني شوي، چې ۶۹ یې د تل لپاره په زندانونو کې ساتل شوي دي.

د المان د بهرنيو چارو وزیره د افغان ښځو او نجونو پر وړاندې د طالبانو بندیزونو ته په غبرګون کې ویلي، ترڅو چې دغه ډله خپلې نړېوالې ژمنې عملي نه کړي، نړېوالې ټولنې ته یې راتګ ناممکن دي.

په تعليمي او فرهنګي چاروکې د ملګرو ملتونو دفتر «یونسکو» وايي چې د طالبانو په درې کلنه واکمنۍ کې لږ تر لږه یو اعشاریه ۴ میلیونه نجونې په قصدي ډول له زده کړو محرومې شوې دي.

د جمهوري نظام د بهرنيو چارو پخوانی وزير او په افغانستان کې له مخکښو سياسي څېرو څخه محمد حنیف اتمر، وايي چې د هغه او اړوند ګوند بنسټيز اهداف یې له طالبانو سره په مشترک ډول د دايمي سولې او ثبات لپاره کار کول دي.

سیمه ییزې سرچینې طرز پرس ته وايي چې یوه ویجاړوونکې اور لګېدنه نن د زمري ۲۴مه، له غرمې وروسته د هرات په ګمرک کې رامنځته شوې ده.

د طالبانو د رئیس الوزرا سیاسي مرستیال، مولوي عبدالکبیر وایي چې دوی توانېدلي د افغانستان تېر پنځوس کلنه جګړه پای ته ورسوي او په هېواد کې امنیت او هوساینه برقراره کړي.

د طالبانو رئیس الوزرا محمدحسن اخوند پر افغانستان د دغې ډلې دویم ځل لپاره د واکمنېدو په تبریکۍ پیغام کې ویلي چې د تېرو جګړو د خساراتو د جبرانولو مسئولیت یې تر غاړې دی.

طالبان وایي چې د پاکستان جنګي الوتکو له لوري د افغانستان د فضایي حریم نقض ته به کلک ځواب ورکړي او دوی په دې برخه کې خپلې پلټنې پیل کړي دي.