تازه خبرونه

په بدخشان کې د طالبانو  د امنیه قومندانۍ ویاند احسان الله کامګار سه شنبه د چنګاښ پر ۱۹مه، وویل چې دغه ښځه د فیض اباد ښار د« ده پایان چته» سیمې اوسیدونکي وه او پرون یې د موږکانو د وژنې د درملو په خوړلو سره ځان‌‌وژنه کړې ده.

د امریکا متحده ایالاتونو ولسمشرۍ ماڼۍ د نیویارک ټایمز د راپور په غبرګون کې وایي چې د پارکنسن ناروغۍ متخصص داکټر دغې ماڼۍ ته راغلی؛ خو د جوبایدن درملنې لپاره نه.

د پښتون ژغورنې غورځنګ مشر منظور پښتین وايي، چې د «PTM» پر مخکښ غړي ګیله مند وزیر د مرګوني برید ترشا د پاکستان د استخباراتو ریاست لاس دی او په همدې دليل تر اوسه هېڅوک په دې تړاو نه دي نيول شوي.

د افغانستان په ختيځ کې د کاوون غږ راډيو مسوولين تاييدوي چې د دې رسنۍ دروازه د طالبانو له خوا تړل شوې او کارکوونکي يې هم له دفتر څخه بهر ایستل شوي دي.

د یورو جام په لړ کې دوه مخکښ ټیمونه انګلستان او نیډرلنډ وتوانېدل نیمه پایلوبې ته ځان وباسي. د یورو جام د کوارټر فاینل په لړکې انګلستان او سویس تېره شپه د جولای په ۶مه نېټه لوبه وکړه، چې انګلستان و توانېد د پينالټي په غبرګو شوټونو سویس مات کړي.

د ایران د کورنیو چارو وزارت اعلان کړی چې د رایو د بیا شمېرنې د بهیر په پای کې مسعود پزشکیان په ډېرو رایو سره د ایران د ولسمشر په توګه ټاکل شوی دی.

د طالبانو ویاند ذبیح‌الله مجاهد ویلي چې د افغانستان بانک مخکېنی سرپرست هدایت‌الله بدري د کانونو او پترولیم وزارت سرپرست په توګه او شهاب‌الدین دلاور د افغاني سرې میاشتې ټولنې رییس ټاکل شوی دی.

د طالبانو حکومت وايي چې د اقتصاد وزارت د سرپرست، دین محمد حنیف په مشرۍ د دوی یو پلاوی د ټرانس همالیا نړۍوال فورم په څلورمه سرمشریزه کې د ګډون په موخه د چین شي ژانګ ښار ته رسېدلی دی.

د طالبانو د عدلیې وزارت وایي، د کابل په پغمان ولسوالۍ کې د سردار محمد داوودخان ښارګوټی د اختصاصي محکمې د پرېکړې پر اساس دولتي ثابت شوی دی.

ذبیح الله مجاهد نن له یادې غونډې راستنېدو وروسته په کابل کې یوې ناستې ته وویل، دوه امریکایي اتباع دا مهال د دوی په زندان کې دي او په خبره یې د ازادۍ لپاره یې باید د طالبانو د حکومت شرطونه ومنل شي.