تازه خبرونه

سیګار په خپل نوي راپور کې ویلي، چې امریکا له ۲۰۲۱ کال راهیسې د افغانستان او د دې هېواد د کډوالو لپاره ۲۰ میلیارده او ۷۱۰ میلیونه ډالره مرسته کړې ده.

که څه هم طالبان د مخدره توکو د قاچاقو مخنیوی یوه لویه لاسته راوړنه بولي او تل یې دا موضوع نړیوالو ته هم رسولې، خو سیګار بیا بل روایت لري او وايي چې په افغانستان کې د مخدره توکو د قاچاق په برخه کې د طالبانو فرامین یوازې پرکاغذ پلي شوي دي.

د طالبانو د ښار او کور جوړونې وزارت وايي، د کابل د نوي ښار ماسټرپلان د جوماتونو د کموالي له امله بدل شوی او اوس د لا زیاتو جوماتونو پر جوړولو غور کيږي.

د افغانستان د خبریالانو مرکز وايي، د طالبانو د مخابراتو او معلوماتي ټکنالوجۍ وزارت په ننګرهارکې د ۱۷ سیمه ییزو رسنیو جواز د فریکونسي مالیې د نه ورکړې له کبله ځنډولي او خبرداری یې ورکړی، تر هغو به د فعالیت اجازه ورنه کړي چې خپل پخواني مالیات یې نه وي ورکړي.

امریکايي خبري اژانس اکسیوس راپور ورکړی چې د امریکا د بهرنیو چارو وزیر انتوني بلینکن د G7 هېوادونو غړو سره په یوه مجازي ناسته کې ویلي، ایران او حزب الله ممکن له دوشنبې ورځې په راتلونکو ۲۴ ساعتونو کې په اسراییل خپل بریدونه پیل کړي.

د ډوپینګ ازموینې نړیوال اژانس اعلان وکړ چې د یوازیني افغان جودوکار محمد صمیم فیض زاد په ځان کې د "ستانوزول" اغیزې موندل شوي او د هغه د ډوپینګ ازموینه مثبته ده.

د طالبانو د لومړي وزیر سیاسي مرستیال مولوي عبدالکبیر په قطر کې له یو شمېر سوداګرو سره په کتنه کې له هغوی وغوښتل چې په افغانستان کې پانګونه وکړي.

د ایران د بشري حقونو سازمان اعلان کړی چې په تېرو اوو میاشتو کې لږ تر لږه ۳۰۰ کسان په ایران کې اعدام شوي چې ۲۰ یې افغانان دي.

پاکستان په افغانستان کې د ترهګریزو ډلو پټنځایونو په اړه د ملګرو ملتونو د وروستي راپور پخلی وکړ او  وویل چې دغه راپور د اسلام اباد اندېښنې تاییدوي.

طالبانو اعلان وکړ چې په ۱۴۰۲ لمریز کال کې په افغانستان کې سوداګري د پام وړ وده کړې او شاوخوا لس میلیارده ډالرو ته رسېدلې ده. د طالبانو د صنایعو او سوداګرۍ وزارت وايي چې په تېرکال کې افغانستان ۱/۸ میلیارده ډالره صادرات او ۸/۲ میلیارده ډالر واردات کړي دي