ټولنه او هنر

زه آمنه یم. هغه نوم چې زما لپاره له قران څخه غوره شوی دی. دا هغه نوم دی چې ټول اسناد مې ورسره تړلي شوي دي. خو زما د «ملکې» نوم ډېر خوښيږي. داسې بریښي چې دا نوم زما هیلو ته نږدې دی. زه یوازې شپږ میاشتې وم چې د تقدیر بې رحمه لاس د پلار سیوری راڅخه واخیست. مور مې، لکه د ټولو ځوانو کونډو ښځو، د یوه نارینه سیوري ته اړتیا درلوده، نو واده یې وکړ. خو زه او زما مشره خور د خپل بابا کور ته تبعید شوو.

د پسرلي جشن «نوروز»، سږ کال هم په ګڼو هیوادونو کې په خوښۍ سره ولمانځل شو. په ترکیه کې د کردستان آغري ښار مرکز کې زرګونه کسان راټول شول او دا ورځ یې د موسیقۍ، محلي نڅاګانو او کوردي دودیزو جامو سره ونمانځله. ښځو او ځوانانو د رنګینو کوردي جامو سره دې جشن ته ځانګړی ښکلا ورکړه او ښار ته یې د ژوند او خوښۍ تازه ساه وبښله.

انجلینا جولي او براد پيټ، چې د هالیوډ یوه تر ټولو جذابه جوړه ول او د دوی د مینې داستان کلونه د خلکو په خوله وه، اوس په رسمي ډول خپل ګډ ژوند پای ته ورساوه. له اتو کلونو قانوني منډو ترډو وروسته، دې جوړې د طلاق او اړوندو مسایلو په اړه یوې هوکړې ته ورسېدل؛ هغه تړون چې د ډېرو لپاره د یوې پیچلې او جنجالي کیسې پای ګڼل کېږي.

بیلابېلې ساینسي څېړنې ښیي چې لوږه او مړښت کولی شي د خلکو، په ځانګړي توګه د ښځو پر عاطفي غبرګونونو او مزاج د پام وړ اغېزه وکړي. دا موندنې د نړۍ په بېلابېلو معتبرو پوهنتونونو کې په خپلواکو څېړنو کې ثابتې شوې دي.

د امریکا د موسیقۍ او سینما بې‌ساري ستورې سلنا ګومز، له یوې په زړه پورې خبرې سره خپل ټول مینوال خوشاله کړل. هغې دخپلې نامزادۍ د ګوتمۍ انځور په انسټاګرام کې خپور کړ او ورسره ولیکل: «د تل لپاره (یوځای اوسېدل) له همدا اوسه پیلېږي.» دا ساده؛ خو ژوره جمله د یوه داسې مینې کیسه کوي چې له هنر او احساس څخه زیږېدلې ده.

پرستو احمدي، هغه سندرغاړې چې غږ یې د ایران د خلکو په زړونو کې انګازې کړې دي، په یوه تاریخي شپه کې ژوندۍ او ځانګړې کنسرت ترسره کړه. دا کنسرت، چې د «کاروانسرا» په نوم یادېږي، په ژوندۍ بڼه د یوټیوب له لارې خپور شو او په ټولنیزو رسنیو کې یې پراخ غبرګونونه راوپارول.

وروستۍ څېړنې ښيي چې رنګونه د انسان پر روان او احساساتو ژور اغېز لري. شاید تاسو هم دې ته پام کړی وي چې د رنګونو لیدل ستاسو مزاج په شعوري او غیرشعوري توګه بدلولي شي. څېړونکي باور لري چې د انسان د خوښې رنګ په مرسته کېدای شي چې تر ډېره اندازه د شخصیت بڼه معلومه شي.

د افغانستان پېژندل شوې او مشهوره سندرغاړې آریانا سعید، په هغه فسټیوال کې چې په متحده عربي اماراتو کې ترسره شوه، د «عرب ممتاز» نړیواله جایزه وګټله. دا جایزه د ښځو د حقونو، موسیقۍ او کلتوري فعالیتونو په برخه کې د اغلې اریانا سعید د هڅو لپاره ورکړل شوې ده.

یوه ډله افغان شاعران، لیکوالان د یو فرهنګي کمپاین په پیلولو سره د طالبانو رژیم له خوا د یو شمېر کتابونو پر بندیز خپل اعتراض څرګند کړی دی. دا کمپاین د طالبانو د هڅو پر وړاندې د فرهنګي مقاومت سمبول ګڼل کېږي، چې غواړي د ازادې اندیښنې او مطالعې مخه ونیسي.

سعودي عربستان بیا د یوې لویې پروژې له لارې د نړۍ پام ځان ته اړولی دی. دا پروژه، چې ډېر ژر به په پلازمېنه ریاض کې د نړۍ تر ټولو لویه ودانۍ نندارې ته وړاندې کړي، د «مکعب» په نوم ۴۰۰ متري لوړوالی لرونکې یوه څلور کنجه بڼه ودانۍ ده. دا پروژه د سعودي د ملي پرمختګ د پلان برخه ده چې د یوې پرمختللې او پایښت لرونکې راتلونکې لپاره جوړه شوې ده.