د بښنې نړیوال سازمان د افغان ښځینه کرکټ ملي لوبډلې له بیا راستنېدو هرکلی کړی دی. دې سازمان نن (جمعه، د دلوې ۱۲مه) په خپل ایکس کې لیکلي، چې د ښځینه کرکټ لوبغاړو بیا راټولېدل او فعالیت، د افغانستان لپاره د سپورټ او د ښځو د حقونو په برخه کې یو ښه زیری دی.
د بښنې نړیوال سازمان ویلي، چې د کرکټ نړیوال بنسټونه باید د دې لوبغاړو هر اړخیز ملاتړ وکړي، څو وکولی شي خپلو لوړو موخو ته ورسېږي. همداراز، دې سازمان له نړیوالو ورزشي ادارو غوښتي، چې ښځینه کرکټ لوبغاړو ته په رسمي سیالیو کې د ګډون فرصت برابر کړي.
د افغانستان د ښځینه کرکټ ملي لوبډلې فعالیت له سقوط وروسته ودرېد، خو اوس له دریو کلونو وروسته، په لومړي ځل په اسټرالیا کې بېرته راټولې شوې او خپل تمرینات یې له پیل کړي دي.
