د افغانستان کرکټ بورډ وایي، د کرکټ یو مینهوال او سپین ږیری حاجی رضا خان د ورپېښې ناروغۍ له کبله مړ شو.
حاجي رضا خان چې په رضا خان کاکا مشهور و، په اکثرو کورنیو او وخت نا وخت له هېواده بهر لوبو کې د افغانستان له درې رنګه بیرغ سره لوبغاړي هڅول. د افغانستان کرکټ بورډ نن پر خپله فېسبوکپاڼه لیکلي، یو سر سخته مینهوال حاجي رضا خان د ورپېښې ناروغۍ له کبله مړ شوی دی. کرکټ بورد د هغه پر مړینه خفګان څرګند کړی او ویلې يې دي، د کریکټ بورد ټولو کارکوونکو او لوبغاړو له رضا خان کاکا سره ځانګړې مینه درلوده.
