افغانستان

د طالبانو لومړی وزیر ملا محمد حسن اخند د ټاپي پروژې پرانېسته د ترکمنستان د حکومت عاقلانه سیاست و بلله او دغه ورځ یې دواړو هېوادونو لپاره یوه تاریخي ورځ یاد کړ.

د کانونو او پټرولیم وزارت چارواکي وايي چې سبا "چهارشنبه - د وږي ۲۱مه" د تاپي پروژې کار به د طالبان او ترکمنستان د لوړ پوړو چارواکو په حضور کې په هرات ولایت کې پرانستل شي. طرز پرس - د طالبانو د کانونو او پټرولیم وزارت ویاند، همایون افغان وايي چې د تاپي پروژې د پیل لپاره ټول چمتووالی نیول شوی دی، او د دې پروژې د عملي کار له پیل سره به زرګونو کسانو ته د کار زمینه برابره شي.

د ایران د کورنیو چارو وزیر اسکندر مومنی، د دغه هېواد وضعیت له زغم وتلې بللې او له افغان کډوالو یې غوښتي چې ولاړ شي او خپل هېواد دې جوړ کړي. طرز پرس - اسکندر مومني دغه څرګندونې په تهران کې یو تلویزیوني خپرونې ته په ویناکې کړې او ویلي یې دي چې اوسنی وضعیت نور د ایران لپاره د زغملو وړ نه دی.

د طالبانو د برېښنا وزارت سلاکار فاروق اعظم د دغې ډلې د رهبرۍ لخوا د ښځو پر وړاندې د اعمال شويو بندیزونو په غبرګون کې وايي چې سل کاله هم تېر شي، طالبان به په رسمیت ونه پېژندل شي. 

یو ایراني چارواکی، د افغانستان پخوانیو سفیرانو له ولکې څخه د ډیپلوماتیکو مرکزونو وتلو ته په اشارې وايي، چې اروپایي هېوادونه غواړي له طالبانو سره خپلې اړیکې پراخې کړي او دا بهیر یې رسماً پیل کړی دی.

له بریتانیا څخه یوه معتبره سرچینه طرز پرس ته تاییدوي چې د افغانستان د سفارت ودانۍ به په نږدې وخت کې طالبانو ته وسپارل شي. طرز پرس - د بریتانیا په سفارت کې د یوې سرچینې د معلوماتو له مخې، دا اقدام د کوربه هېواد او طالبانو تر منځ د تفاهم پر اساس ترسره کېږي.

د پاکستان چارواکو د دې هېواد د استخباراتو پر پخواني مشر جنرال فیض حمید سختې نیوکې کړي دي او ویلي یې دي چې په کابل کې د تود چای څښل، اسلام آباد لپاره ېې ساړه پایلې لرلي او د دواړو هېوادونو تر منځ امنیتي ستونزې یې نه دي حل کړي.

طالبانو اعلان کړی چې د پنجشیر او بغلان ولایتونو له بېلابېلو ولسوالیو څخه د خپل د اردو لیکو ته ۳۴۰ تنه ځوانان په فوق العاده توګه جذب کړي دي.  طرز پرس- د طالبانو دفاع وزارت په یوه خبرپاڼه کې ویلي چې دغه ځوانان د مسلکي نظامي زده‌کړو لپاره د «حضرت عبدالله بن مسعود جګړه‌ییزو ګډو زده‌کړو قومندانۍ» ته معرفي شوي دي.

په داسې حال کې چې نړېواله ټولنه له طالبانو سره خپل هر ډول تعامل په افغانستان کې د ښځو پر زده کړو مشروط کړي دي؛ خو د طالبانو د کورنيو چارو وزیر سراج الدین حقاني له نړېوالې ټولنې غوښتنه کوي چې په اوسني بحراني شرايط کې د افغانستان لاسنیوی دې وکړي.  

کرملین اعلان وکړ چې د افغانستان ګاونډي هېوادونه باید له طالبانو سره چې ځان اوسني واکمنان بولي، خپلې اړیکې پیاوړې کړي. طرز پرس - د روسیې تاس خبري آژانس نن شنبه، د وږي ۱۷مه، د کرملین د ویاند دیمتري پسکوف په حواله راپور ورکړی چې له افغانستان سره د ګډې پولې له کبله، ګاونډي هېوادونو لپاره غوره ده چې له طالبانو سره خپلې اړیکې پیاوړې کړي.