افغانستان

سیمه ییزې سرچينې وايي چې په کابل ښار او پروان ولايت کې دوه جلا چاودنې شوې دي. سرچينې چې د چاودنو شاهدان وې، طرز پرس ته وويل چې لومړۍ چاودنه نن ماښام د کابل د شپږمې امنيتي حوزې اړوند په «پل سوخته» سيمه کې شوې ده.

احمد شرع، چې پرون د یاغیانو مشر و او نن د سوریې واکمن دی، په دمشق کې د الشعب له ماڼۍ څخه نړیوالو ته یو څرګند پیغام ورکړ: سوریه هېڅکله په افغانستان نه بدلیږي. هغه ټینګار وکړ چې د ښځو له حقونو او د خلکو له آزادیو ملاتړ کوي او له نړیوالې ټولنې یې وغوښتل چې د هیئت تحریر الشام پر وړاندې بندیزونه لرې کړي.

د افغانستان پخوانی ولسمشر حامد کرزی وايي، اوس تقریبا هغه ارمان یې پوره شوی چې د طالبانو له واکمنۍ مخکې یې ویلي وو، که سوله راشي نو دی به په ټول افغانستان وګرځي. کرزي دغه څرګندونې د چهارشنبې په ورځ د لیندۍ ۲۸مه، په پکتیا کې د طالبانو د کورنیو چارو وزیر سراج الدین حقاني کور کې مطرح کړي دي.

د امریکا منتخب ولسمشر، دونالډ ټرمپ، یو ځل بیا له افغانستان څخه د امریکایي ځواکونو د وتلو څرنګوالي په اړه سختې نیوکې وکړې او ټینګار یې وکړ چې که هغه ولسمشر وای، د وتلو بهیر به په بشپړ ډول بل ډول ترسره کېده.

اسپانیا د جمعې پر ورځ د افغانو ښځو په اړه د یوې مهمې ناستې کوربه و. دا ناسته د ښځو له حقونو څخه د بالقوه ملاتړ په موخه، د دې هېواد د بهرنیو چارو وزارت په ودانۍ کې د لسګونو ښځو او د کوربه هېواد د چارواکو په ګډون ترسره شوه.

د امریکا د بهرنیو چارو وزارت په خپل کلني راپور کې چې د ترهګرۍ په اړه یې خپور کړی، څرګنده کړې چې طالبان لا هم په افغانستان کې د القاعدې کوربه‌توب او ملاتړ ته دوام ورکوي. په دې راپور کې همدارنګه د تحریک طالبان پاکستان (TTP) د شتون او د دې ډلې د ترهګریزو فعالیتونو په اړه هم یادونه شوې چې له افغانستان څخه ترسره کېږي.

د ځان وژونکي بریدګر تازه انځور چې نن د چهارشنبې په ورځ د لیندۍ ۲۱مه، وتوانېد د طالبانو یو جګپوړی چارواکی، خلیل الرحمن حقاني په نښه کړي. د باخبرو سرچینو په وینا، بریدګر د دې په پلمه چې په لاس یې عملیات شوی او پکې د فولادو ستنه موجود دی، له امنیتي وسپنه موندونکو چیک پاینټونه په ماهرانه ډول تېر شوی او ځان یې خپل هدف ته رسولی دی.

کریم خرم چې د افغانستان د پخواني ولسمشر حامد کرزي د دفتر مشر پاتې شوی او یوه پېژندل شوې سیاسي څېره ده، د سوریې د وروستیو تحولاتو په اړه ویلي چې دغه وضعیت «موږ افغانانو» لپاره یو لوی درس لري.

په یوه تازه تحول کې، د «جهاد» د دورې ځینې قومندانان چې اکثره یې د طالبانو مخالفین دي، د «افغانستان د ژغورنې لپاره ملی مجمع» په نوم یو نوی سیاسي ائتلاف جوړ کړی دی.

د ناروي دولت اعلان کړی چې د طالبانو د مشر ملا هبت‌الله د نوي فرمان له کبله، نور له دې ډلې سره د تعامل لپاره کومه لېوالتیا نه لري او په اسلو کې د طالبانو استازی هم د افغانستان د سفیر په توګه نه مني.