افغانستان

برلین او تاشکند د ماهرو کارګرانو د منلو او د اوزبیکستان له لارې افغانستان ته پر جرایمو د تورنو افغانانو د لېږلو پر سر هوکړې ته رسېدلي دي.

د افغانستان د ملي جنبش ګوند مشر مارشال دوستم، غوښتنه کړې چې په «تبعید» کې یو موازي حکومت اعلان شي، ځکه د ده په وینا، ډېر لګښت نه غواړي او د طالبانو د مخالفو څېرو په وس کې دی.

د فرانسې حکومت اعلان کړی چې تېره شپه اته کسان انګلستان ته د رسېدو په ناکامه هڅه کې د مانش کانال کې ډوب شوي او خپل ژوند یې له لاسه ورکړی دی. د وژل شویو هویت تراوسه نه دی څرګند، خو په ډوب شوي کښتۍ کې افغان کډوال هم موجود وو.

طالبانو د دایکندي ولایت پر اوسېدونکو د داعش د تېرې ورځې برید «وحشیانه» بللې او ویلي یې دي چې د عاملینو د نیولو او د «عدالت منګولو» ته د سپارلو لپاره یې جدي هڅې کوي.

په افغانستان کې د ملګرو ملتونو دفتر د داعش د پرونۍ مرګوني برید چې د دایکندي ولایت اوسېدونکي یې هدف وګرځول، په کلکه غندنه کړې او ویلي یې دي چې دوی د دې برید په تړاو د مسؤلینو د ځواب ویلو لپاره د څېړنو غوښتونکي دي.

په کابل کې د ایران سفارت وايي چې دغه هېواد په دایکندي ولایت کې د پروني مرګوني پېښې عاملینو ته د سزا ورکولو په برخه کې خپل چمتووالی اعلانوي.

داعش ډلې د یوې اعلامیې په خپرولو سره ومنله چې د دایکندي ولایت پر اوسېدونکو د نن ورځې مرګوني بريد تر شا د دوی لاس وو.  طرز پرس: دا خبرپاڼه د پنجشنبې ورځ ناوخته، د وږي ۲۲مه، د اعماق په ویب‌پاڼه کې خپره شوې او په کې ویل شوي چې د دې ډلې ځواکونو «۱۵ تنه شیعه‌ وګړي وژلي او شپږ تنه نور یې ټپیان کړي دي.»

ځايي سرچینو طرز پرس ته تایید کړې ده چې په دایکنډي کې د نامعلومو وسله والو کسانو په برید کې، ۱۴ کسان وژل شوي او څلور نور ټپیان دي. طرز پرس: دا خونړۍ برید نن پنج‌شنبه، د وږي ۲۲مه، د غرمې شاوخوا یوه بجه د دایکنډي او غور ولایتونو ترمنځ د «قریو دال» په کوټل سیمه کې ترسره شوی دی.

ذبیح‌الله مجاهد ادعا کړې چې د طالبانو حکومت په بشپړ ډول ټول‌ګډونه دی او په اوسني جوړښت کې د ټولو قومونو په ګډون هزاره، بلوڅ، ترکمن، ازبک، تاجک، پښتون، نورستاني او نور قومونه شتون لري.

د پخواني ولسمشر محمد اشرف غني لومړی مرستیال امرالله صالح، د ټاپي پروژه د قدرتونو ترمنځ یو تجارتي اعلان وباله او وویل چې د دې پروژې عملي کول ناشونی دی.